رينا ماجد فنانة من الجنوب إبداعها الفني يبهج القلوب فانتظروها

136

رينا ماجد فنانة من الجنوب إبداعها الفني يبهج القلوب فانتظروها

ترسم لوحاتها بحس المبدع المهموم برسالته التي يحلم لها أن تنمو وتكبر مع الوقت فتكبر معها أحلامها لتنطلق من خلالها إلي عالم أرحب وأجمل.

لها حس شعوري راقي يميزها عن الفنانات الأخريات ، وتظهر ملامح الوطن في معظم رسوماتها .

بدأت معها الموهبة منذ الصغر ووجدت الأرض خصبة أمامها لتغرس فيها ريشتها فتنبض من رحم الالوانات بحجم الوطن فتغني لها عصافير الكناريا عند الخروج إلي كوكب ملئ بالورود والأزهار يتناغم مع العفوية المتشبعة منها موهبتها العبقرية في الأداء والطموح والأمل والعمل بدأب وإصرار من اجل ان تتفجر تلك الالوانات لتغير شكل العالم إلي بساتين من سندس وأغاريد من ابتهاج .

قدمها لنا راعي الادب والفن والجمال في مصر كلها أستاذ أكاديمي كبير وعميد المعهد العالي للغات والكمبيوتر بالمنيا والرئيس السابق للهيئة المصرية العامة للكتاب الاستاذ الدكتور : جمال التلاوي ، من خلال احدي لوحاتها المتميزة عن فلسطين ونحن نقدمها لكم من خلال صفحات مجلتكم ” مبدعو مصر” علي أمل أن تنال لوحاتها إعجابكم ونحلم لها بكل جميل .

فماذا قالت عن نفسها ؟

 

انا رينا ماجد موسى

23 سنه

سنه تالته المعهد العالى للغات

برسم من اولى ابتدائي تقريبا…

 

لحد تالته ثانوي كان هوايه بس

لكن بعد 3 ثانوي ابتديت اخلي الرسم هواية و شغل

عملت بيدج على الفيسبوك و بشتغل منها اونلاين

اول شهادة تقدير اخدتها سنه 2012 ف مسابقه عملتها شركة المياه لطلاب مدرسة الراعي الصالح و كنت ف اولى اعدادى

فترة ثانوي كنا بنعمل ورش عمل صغيره ف المدرسه نتعلم من بعض انا و اصحابي اللى بيرسموا

2017شاركت ف اول معرض ليا و معرض حالة فن ف فندق ايتاب

2018 اخدت مركز اول ببورترية الشيخ محمد الشعراوي ف مسابقه عملتها جريدة الجموريه ف و جالى تعيين رسامة كاريكاتير فيها لكن كان صعب علشان ف القاهره ف ماشتغلتش

و عملت معرض ارت وورلد ف قصر ثقافة المنيا و دا كان اول معرض اكون مسؤله عن تفاصيله بالكامل

و عملت معرضين ف المعهد عند دكتور جمال اخدت عليهم شهادات تقدير من المعهد

و شاركت ف معرض دافينشي 5 الدولى ف قاعة جريدة الاهرام و اخدت شهاده و تكريم

و عملنا حملة تجميل ف المعهد كان دوري فيها رسم الاسفلت اللى قدام البوابه و الشجر و كدا

2019 شاركت ف معرض دافينشي 6 و اتكرمت

و شاركت ف المعرض الرابع ف المعهد العالى للغات

2020 نظرا لظروفها الوحشه ماشاركتش ف اي معارض ولا عملت معارض لكن اشتغلت بورتريهات كتير ك شغل مش هوايه و طورت نفسي و بقيت برسم الوان كمان بدل م كان رصاص بس

2021 ابتديت اشتغل ف مجال جديد و هو صناعة الساعات الخشب …

مقاسات كبيره جدا لحد قطر 80 سنتى و 90 و متر كمان

بشتغلها بدايةً من المرحلة الاولى و اللى هي الصنفره لحد الفينيش النهائي و دا طبعا بالاضافه للبورتريهات لان عمري م هبطل ارسم خالص

و اتكرمت من الاعلامى المحترم ا/ محمد عبد القوي و مجلة مبدعو مصر ️ و دا اول و احلى تقدير ليا ف السنه

ومن مثلك الاعلي في ذلك المجال

 

للامانه معنديش حد معين

الرسم و الفن عموما بحر

مهما حطيت مثل اعلى لنفسي مش هعرف اجيب اخره ولا هعرف اكون احسن حاجه

دايما فى الاحسن،ف ممكن اقول مثلى الاعلى نفسي بكره و بعده لما كل يوم اتطور اكتر و اكون احسن، بس انا بحب اوي مايكل انجلو و سلفادور دالى

 

وماذا تحلمين لموهبتك

استمر و اتطور فيها و اكون متمكنه بدرجة تسمح انى افتح جاليري

وماهو مشروعك الفني للمستقبل

جاليري بيشمل رسم و ساعات هاند ميد زي اللى بعملها ب اي شكل و اي مواصفات

و دا الجانب اللى هكون بصنعه انا

بالاضافه لتحف و انتيكات

واين صور الطبيعة الخلابة والنيل والاشجار والنخيل من موهبتك

بحبها جدا لكن للامانه مش شاطره فيها، الحاجات دي بتظهر جدا بالوان الزيت و انا لسه ماتعلمتش اشتغل زيت، لكن طبعا ف الخطه.

قد يهمك أيضا: الفنانة شذى متولى  فنانة قادمة بقوة

                : الفنانة التشكيلية غادة ابو حديد تشارك بأربعه لوحات فى المعرض الجماعى حوار الالوان بالهناجر

هل يراودك الوصول للعالمية من خلال ابداعك الفني

اكيد طبعا بس مش حباً ف الشهره قد م هو حب نجاح لإن الشهره بتيجي ف مرحلة معينه و بتبقا متعبه و ليها ضريبتها ف مش من اهدافي

ماهي الصعوبات التي تواجهك في مشوارك الفني

لحد دلوقتي مفيش الحمد لله الفن بجميع انواعه محتاج طولة بال و محاولات كتير و دول الحمد لله موجودين بالاضافه لتوفيق ربنا ف مفيش صعب كدا

كل فنان تشكيلي له رسومات رسوم كاريكاتورية هل لك في الرسوم الكاريكاتورية

ماجربتش احاول فيها قبل كدا بصراحه،لان اكتر حاجه بميل ليها البورتريه ف كل تركيزي فيه

قد يهمك أيضا: تقيم الفنانة نشوى سعيد حفل توقيع لكتاب الاطفال حلم الاسد بالسعادة

هل تمارسين الرسم بشكل يومي وهل الرسم هو همك الاكبر

مش يومى لان في حاجات تانيه ف اليوم بتحتاج حركه و الرسم بيحتاج قعدة و هدوء

لكن اقصي فترة مارسمش فيها ممكن من اسبوع ل 10 ايام و دا بالنسبه للبورتريهات كاملة التفاصيل، لكن دا مايمنعش طبعا ان طول م قدامى قلم و ورقه بدندن ف اي حاجه بسيطه

هل تفكرين بعمل معرض باسمك قريبا

من اول 2020 و انا بفكر لكن الظروف مش سامحه بسبب كورونا و حالة القلق اللى عاملاها

هل لديك مواهب اخري غير الرسم

الرسم و الهاند ميد بجميع انواعه ماعدا الورق.

Comments are closed.