ابداعات أدبية

رمضان كريم..شعر:سميرة الأسريجى

رمضان كريم..

شعر:سميرة الأسريجى

 

رمضان كريم
وعن لمتنا والعيلة
وأيامنا وليالينا
وحب كبير مجمعنا
وله جونا مية معنى
بيوت بموده تجمعنا
وعن جيره وضوليله
قصاد بيتنا بتحمينا
تلف الشمس وتجينا
تغنيلنا نغنيلها وتسمعنا
وذكرى للى ودعنا
وأفراح ياما تسعدنا
وقولة مية على الشباك
بتنده ع الجاى هناك
يبل الريق.
وعم شفيق
بتاع الفول ينادى يقول
يامتعلق بدقة يافول
وبعد العصر مسقى لمون
وبالشطة مع الكمون
وقرن الفلفل الحامى
على الطبليه قدامى
مع الطعميه والجرجير
وعيش طعمه كأنه فطير
وضحكة وكلمة والتصوير
وكلمة حمد وشبعنا
ولمة حب ليها معنى
ودعوة لربنا ديما
على الاخلاص يجمعنا

قد يعجبك أيضا:

بالفيديو .. قصيدة مسلم مسيحى فى الوطن اخوان

السيد عبد الفتاح شاعر البحر يغرد فى قصيدة جديدة

رمضان كريم ..قصيدة بالعامية المصرية| شعر:معوض حلمى

الساعة 25

الوسوم

أسماء مصطفى

كاتبة صحفية تدرس اللغة العربية لها مجموعة من المقالات الفنية والثقافية المختلفة.. عضو جمعية مبدعى مصر ..
إغلاق