موقع إخبارى شامل

حكاية وطن . ملحمة شعرية من تأليف الشاعرة شريفة السيد

حكاية وطن ملحمة شعرية غنائية تأليف الشاعرة/ شريفة السيد ، الحان وغناء محمد عزت واحمد زيدان ، أداء فرقة إدارة الموهوبين بحدائق القبة التعليمية، إشراف وتدريب أ. راندا طه ، الثلاثاء 18 فبراير ، سينما الحضارة _الأوبرا _ 4.30 مساء

عاهديني إنك يا حبيبتي تزهزهي عصرك
عاهديني إنك تحفظيني جوة سور قصرك
يا معلماني ازاي أكون نجماية ف ضلوعك
يا معلماني ازاي أكون ورداية على خصرك
وبعد مشهد حرب الاستنزاف
يقول المشهد على لسان الأطفال:

كان طريق ولابدّ يكمل
والطريق مسدود طويل

فيه مغامرة وفيه مؤامرة
باينه ومعانا الدليل

قال زعيمنا الحرب لازم
حرب تاني مافيش بديل

أيْوة أيْوة الحرب لازم
استعدينا وخلاص

عندنا قوة وإرادة
عندنا سلاح للخلاص

عندي جيش وشعب أقوى
والفرص يعني اقتناص

أرض سينا دي بتاعتنا
مش بتاعة حد تاني

واحنا لازم نفتديها
دي الحكاية ودي الأماني

استعدينا فيللا نبدأ الحرب ف ثواني

قال ومش هاقبل بحاجة
يفرضوها علينا فرض

قال ومهما يكون هاضحي
مش هاسيب ولا سنتي أرض

معركة ولازم نخوضها
معركتنا شرف وعرض

أيوة أكتوبر حسمها
خلّا كل الدنيا تفهم

إننا فاهمين سياسة
منّا فينا بدون مترجم

خدنا درس ف حرب يونيو
مهما كان الدرس مؤلم

كان سياسي بدرجة أولى
كلمته صنعت بطولة

صوته جلجل ف البوادي
عدّى بينا وبسهولة

درب أولادنا الأمجاد
هو ده معنى الرجولة

هو دا معنى الرجولة

التعليقات مغلقة.