حكايات الواحات واحات الحكايات الشعبية والنفوس الطاهرة النقية
حكايات الواحات
واحات الحكايات الشعبية والنفوس الطاهرة النقية
منتورة الله.نخلة كانت موجودة في الواحات فعلا وهي نخلة ليست مملوكة لحد وانما متروكة لله او ثواب وتنطق في الخارجة للصواب والمنتور نوع من أنواع النخيل زي الصعيدي والحمراوي او الحجازي والفالق والتمر والقعقاع.
واللي فكرني بمنتورة الله حكاية شعبية جميلة ليها هدف واضح ومحدد وعاوز اقول من البداية ان الحكاية الشعبية طبعا تحتمل الصدق اوعكسه ولها انواع كثبرة منها الحكاية الشعبية الدينية والاسطورية وغيره والحكاية الشعبية لون من الوان الأدب الشعبي.
والذي يندرج تحت الثقافة الشعبية او الفلكلور زي ما علمني استاذي الكريم الدكتور صلاح الراوي الله يكرمه . الحكاية باختصار شديد وبتصرف يسير ان واحد من اهل الخير جا الواحات عشان بوزع صدقات.المهم قعد علي قهوة وكان ميعرفش حد خالص.
فسمع مجموعة من الناس بتتكلم واحد بيقول انا جهزت عشرين كيلو لحمة والتاني قال ادي ميت جنية فقال الله الناس دي بتعمل الدور اللي انا جايله.فسألهم قاللوله ان فيه في الحته الفلانية ناس حالتهم علي قدها خالص.
فاتصل بالراجل الكبير اللي باعته فبعتله تلاتين آلف جنية المهم وزعوا اللي وزعوه والراجل دا قال انا من اي الحتة اللي قولتوا لي عليها .واحد من اهل الخير من المنيرة الأميرة قاله آدي العرببة بالسواق وراحوا فعلا .واشتروا عجلين ودبحوهم.
واخدوا معاهم للمنطقة دي ميت كيي لحمة وقعدوا يوزعوا للناس بسماحة وشاشة وكرم وسخاء .يعني اللي عايز كيس يديوله تلاته المهم في الآخر فضل كيسين في العربية وفجأة الراجل السواق قالله يا استاذ فلان فيه حاجة غريبة.
انا كل ما اجيب الكيسين اروح الاقيهم زي ماهمه الراجل الضيف قال ايه الراجل دي ماله فيه حاجة في مخه ولاايه المهم فتح الشنطة لقي حاجة غريبة لقي فيها مية خمسة وسبعين كيس زي ما حكي صاحب الرواية فاستعجب وقال سبحان الله.المهم اخدوا بعضهم وراجعين في الطريق وكان كله صحرا وكان في رمضان المبارك زي الايام دي.
وكانوا صاييمين فلما عطشوا الراجل اللي جاي من مصر قال مفيش اي حاجه ناكلها او نشربها وكان المغرب ادن وفجأة قال للسواق وقف فيه نخلة اهية تعالي نرمي عليها حجر يمكن تنزل بلح نفطر بيه.
ولما قربوا من النخلة لقوا راجل واقف وراها معاية مية وكوبايتين عصير شربوهم وحمدوا ربنا وهما مايشين عايزين يشكروا الراجل بصوا لالقوا الراجل ولا لقوا النخلة سبحان الله العظيم.من يصدق الله يصدقه حقا
مصطفى معاذ
الوادي الجديد
