عبد الله محمد عبد القوى

عبد الله محمد عبد القوي يكتب ” أنتى وردتين المنا “قصيدة بالعامية المصرية

ننشر قصيدة من أحدث القصائد للشاعر الشاب ” عبد الله محمد عبد القوي “، وتقول أبيات القصيدة التى نالت أعجاب الكثيرين كالتالى :

إنت     وردتين المنا

ومواويلى العفية

إنت    انشغال  الكون

فى  طلعة الصبحية

انت    بساتين الرضا

و وردة امانى مندية

انت  فى قلوب الناس

اللى وقفين تحت الشجر

واللى ماشين هنا وهناك

 وقت العصارى والضحى

بيبلوا  رقهم من السفر

إنت فى قلب كل انسان بيحب

وعارف معنى الحياه

وانت اللى تملى بتجمعينا

وبترجعى الفرحة تانى لينا

وبتولدى جوانا المحبه

وبترجعى كل الاحبة

وبترسمى الفرحة فى قلوبنا

انا مين بيكوينى

 انا مين يرسينى

غيرك انت

يا شط بحر الهواى

يا نسيم   الذوق

انت  الضياه

وانت الحياه

وانتى الهوى الساكن

 فى شرايينى

 وانتى وردتين المنى

وانت  شوق  السنين

وانت الغرام والحنين

وانت  نبض السنين

يا اغلى من نور عنيا

يا كل الدنيا ديا

بيشوقنى نيلك تانى

اكتب اغانى

لوردتين المنى

لوردتين المنى…..

الشاعر فى سطور، عبد الله محمد عبد القوي، شاعر وصحفى مصري، من مواليد محافظة المنيا، عام 2003، شارك بالعديد من الندوات والمؤتمرات الشعرية والأدبية الكبرى، وحاز على بعض من شهادات التقدير فى كافة المجالات.

اترك تعليقاً