مبدعو مصر
مهموم م الدنيا واحاولها
ومرارها يعسكر فى حلاوها
وان جت نصفه من اللى خالقها
فيصيبها العمى وتروح عنى
فى نظرها الستة بتتحول ويزيد
البله فتحولى
وانا منه الحول دا والقوة
اكمنى بعيشها بمروة..
حظى المسكين راح مرجعشى
يا اهل الجدعنه مين ينصفني
يعرفنى طريقي ويخلفلي..
فى شيطان الظن ويحلفلي
إن الأيام زى الموجه
مرات هاديه وكتير هوجه
فأكيد الوقت تروق روقه
تتعدل الدفة وتضحك لى
يا عظيم المنه أنا بستنى
عدلك فى ميزانك والجنة
عمرى ما طمعت ولا اتدنى
اتوضى بدمعى وبتحنى
ولا شكوى لخلقك تلحقنى
يا ودود العرش بهاك خدنى
فبحق الكلمه فى حرفينها
بالكاف والنون لتعين زادها
وتزيد فى رضانا بمكتوبك
ولكل الجاى من أسرارها .
قد يهمك أيضا