موقع إخبارى شامل

السعيد قنديل يكتب : عودت عيني

السعيد قنديل يكتب : عودت عيني

 

عودت عينى على نزف الدموع ما سلمت
ودفعت دمى تمن حب الوطن وخسرت
ووهبت روحى فدا للمظلومين ما قدرت
وفضلت وسط الميدان
عاجز عن الإمكان
خدنى البكا من هنا لوش السما سلمت
علقم يا طعم الهزايم
حنضل يا نهر الخوف
مكسوف أنا من وشوش
المحرومين م الشوف
شهدا الميدان اللى ماتوا
غدر ع المكشوف
ومن الدماء اللى لسه
بتحضن الاسفلت
مكسوف أنا من غبايا
ومن فصول الحكايه
وازاى خسرت النهايه
وخسرت زهو البدايه
وخانتنى كل الظروف
مكسوف أنا يا وطن
مين يشتريك ليا
عشنا السنين.والبلا
اخوان وحراميه
وأما انتفضنا وجدنا
الغدر بنيه
ووشوش مالاها الزغب
مش صافية النيه
أه يا وطن لو بايدى
أنا كنت اقول قوله
وأمسك زمام الأمانى
التانيه والاولى
واكتب على وش مصر
حكاية الخاينين
وازاى خدتنى المهانه
لسكه مجهوله
وفى النهايه الحزينه
ضعت واستسلمت
قد يهمك أيضا

التعليقات مغلقة.