ابداعات أدبية

اكتوبر..عيد النصر..عيد الشهدا..عيد الوفاء بقلم : هناء سيف الدين

اكتوبر..عيد النصر..عيد الشهدا..عيد الوفاء بقلم : هناء سيف الدين

انا فرحه الطفل الصغير
لما يجي عيد جديد
انا ضحكه الابن الوليد
انا نور طايلكم في المدى
انا صوت سنا دم الشهيد
يا منتهى الجمع الرشيد
الارض دي من زفتي
من فرحتي
نادت ملايكه الوجود
تحتفل بشهادتي
تكتبني اني في الخلود
يا عزتي
يلي انا
مش منتهي
ولا في السجل
اني بموت
انا نور طايلكم م الخلود
تعرفوا ايه مطلبي
يا منتهى الامل البعيد
تتذكروا اني انا
دمي هنا
انا الشهيد
مين ع الحدود كان مفتدي؟
من كان بروحه بيستميت؟
مين كان ودمه بيتروي
كان الابي
وكان السعيد
وكانه شايف اللي جاي
شايف امانه من بعيد
شاف الامل
عاش السلام
حضن الملايكه مع الحمام
وبداوا رحله الامان
قالوله يلا لجنتك
لجنه اللي مات شهيد
وقدم بروحه وافتدي
مهره وكان راضي وسعيد
وف سبيل الارض دي
ضحى بدمه وكان عنيد
مكتوبلك ان تكون شهيد
يا فرحتك
لما قالولك
بكره عيد
عيد دمك اللي سال سعيد
عيد للي قدم مهجته
ونقش بدمه انه شهيد
يلا يا بلدي اكتبي
بسم اللي مات وراح شهيد
بسم اللي ضحى وانتصر
بسم القمر في ملاد جديد
وف سبيل الارض دي
كان الابي
زي النبي
كان مستعد يموت شهيد
يلا يا مصر اكتبي
سمى عليه اتكلمي
عن دمنا واحيي عيد
واحتفي بحق البطل
اللي ضحي وانتصر
عايش عليكي كان بطل
راحل عليكي كان بطل
ولجلك يا غاليه ارتحل
وكان كمان راضي و سعيد
واهو ينادي من بعيد
اسمعي صوت النشيد:
يا بلادي يا بلادي
انا بحبك يابلادي
يابلادي يا بلادي
انا بحبك يا بلادي
واحنا بنحيي فرحته
ماسكين ايديكي
ايد في ايد
****************
اكتوبر..عيد النصر..عيد الشهدا..عيد الوفاء
هناء سيف الدين

بواسطة
فيس بوك
الوسوم
إغلاق