ادهم الصيرفي في قصيدة بالعامية المصرية جديدة

ضمن مبادرة كل يوم شاعر التي يتبناها الشاعر القنائي حمد حسين منذ فترة طويلة من الزمن وقدم من خلالها اكثر من 100 شاعر وشاعرة، يسعد مجلة مبدعو مصر ان تقدم لكم على صفحاتها هذه القصيدة الرائعة لصاحبها الاروع الشاعر: ادهم الصيرفي.

والحل بسيط المرادي .. خليك فاضي،
علشان ف الماضي مَليت روحَي
طلعت مخرومة .. وعُدت وحيد !
عُمر الخُذلان ما يصيب قلبَك؛ طول ما أنت بعيد
أحلامَك ليك .. كوابيسَك ليك
خوفَك .. حكاويك المتعادة
ملعونة الناس ،
وشموع الناس المِتقادة
قَرَّبت بتستَجدي دفاها
.. فحرقت إيديك !
…………
هنبقى لبعض
برغم الظرف وصعوبته،
لأن اللي ما بيننا مهوش ما بين شاعر وتجربته
ما بيننا الحلم
وييننا الفهم لما يكون ضروري الفهم
مسيرها تتم يا حبيبتي
مسيرها تتم
ميشغلكيش من الدنيا
الحروب
والخوف
واكل العيش
واحكام الظروف
سيبيها عليا يا حبيبتي
وانا سداد
تخطي اميرة فوق قلبي يكون سجاد
وتسري بروحي للجنة اللي تجمعنا
عشان من غيرك الاحساس ملوش معنى
عشان من غيرك المعنى مفوش احساس
وتجربتي مجرد قشة ف الكومة
ومن غيرك بضيع وخلاص
مفيش ولا غاية مفهومة
مفيش غير انتي
والاحلام
وعنقود البرائة الخام
بنقطف حب لما تضيق
ولما نجوع
نغني لحد ما صوتنا يكون مسموع
نقول للعالم الخايف
بعلو الصوت
مفيش مانع نلاقي وطننا جوه الحب
لأن الانتماء زايف..
واهو ع الاقل الحب يستاهل
عشانه نموت.
………..
ادهم الصيرفي