موقع إخبارى شامل

اخر مره قلت كلمة بحبك لمين

اخر مره قلت كلمة بحبك لمين

كلمة ليست سهلة من ثلاثة احرف لكنها خطيرة ورهيبة ممكن تهز جبال وتقلب الكون بحاله .

ممكن تغير التضاريس وتخلي الجو في عز الولعة يبقي رطب خالص خالص .

وتصنع ابو المعجزات اللي ماحدش يقدر عليه من البشر مهما اوتي من قوة .

تخيل هل ممكن تتقال لاي شخص ، أو أي بنت ، هي تتقال عادي في اى لحظة ككلمة عادية ” والله انا بحبك وانت عارف غلاوتك عندي “.

ماشي تمر مرور الكرام وبسمة حلوة وينتهي الموضوع سلام سلام لكن مش هاتقعد تفكر انت بعد كده في الكلمة لانها ع الطاير ومجرد كلمة عادية لكن .

عندما تقال من ولد لبنت وتكون متحاشه علي لسانه من زمان ومش قادر يطلعها وتكون هي منتظراها بس تقلانه عليه وتمر اوقات ونظرات العيون تقولها بس ماتتنطقش باللسان ودقات القلب ” تم تم تم “.

وفجاة تطلع منك وتقولها بحبك .. يااااااااااااااااااااااه

اخيرا ياعمنا

قدرت تطلع الكلمة

وفضيت الشحنه العاطفية اللي جواك فجأة .

تتلقاها المحبوبة بفرحة كبيرة وتحس أن العالم كله حولها سعيد والدنيا كلها بتغني والعصافير علي الاشجار بترقص والفراشات بتتمايل والبحر كمان امواجة بتحتفل لها وبها علشان كلمة بحبك بنت اللذينه دي .

يرجع مرجوعنا للعنوان واخر مره قلت لمين كلمة بحبك وهنا يأتي الصدق والتحدي

أي زوج يقول انه قال لزوجته بحبك  .. هل هو صادق في الكلمة .. ام قالها تحت أي ظروف ، وهل هي صدقته عندما قالها له .

لو كنا واقعيين نري أن لحظات السعادة بكلمة بحبك تتبخر بسرعة لانها لا تجد ارض خصبة لها .

اخر مره قلت كلمة بحبك لمين

مع الظروف الحياتية الصعبة صعب أن تنمو الرومانسية ، لكن هناك من هم يستطيعون أن يقهروا تلك الظروف باصراراهم وايمانهم الكبير بمعني الحب .

علي العموم انا واحد من الناس مش فاكر قلتها لمين وهل قلتها في موقف اجتماعي أو موقف درامي أو في وسط العمل أو حبيت ارضي زميل لي أو صديق فعرفته اني بحبه .

قد يهمك :من تصريحات الدكتورة سعاد صالح/ لا يصح ان يقول الخاطب لخطيبته بحبك

لكن للحبيبة ؟!! اعتقد اين هي الحبيبة ؟! علشان اقولها بحبك ؟! عموما هي قالت بحبك واكتفي بكلمتها حتي اذيبها في محيطات العالم كله لتتحول عسل ابيض يشفي كل المغرمين من الالم ويجعل النخيل يراقص جريدة في انسجام ويهفهف الشجر باوراقه ليرطب حر شهر 7 اللي مش عاوز يعدى بانسجام .

اخر مرة قلت كلمة بحبك لمين ؟

التعليقات مغلقة.