ابداعات أدبية

إيـــــه ح يفيد .. شعر : أشرف صديق _ الاسكندرية

إيـــــه ح يفيد ..

شعر : أشرف صديق _ الاسكندرية

 

إيـــــه ح يفيد

لمّا تمد إيديك
جوّه جيوب الفقر
إيه ح تلاقى ..
لمّا تكون وجبتك الأولى .،
هىّ الجوع ..
حتى الجوع زايل مش باقى ..
لمّا تشد اتواب البرد .،
تتلفع بيها .،
لجل ماتمنع عنك
جمر الظلم ..
لمّا تكون كلمتك الأولى هىّ الأه ..
لمّا تحس بغربه فـ بدنك
لمّا الكلمة تتوه من حلقك
بعد دا كله إيه ح يفيد
برضه ح تفضل واقف ساكت
مش معقول ..
همّ وقوم ..
هدّ حيطان الخوف جوّاك ..
فجر كل طاقات الهمّه
كون للأمة صلاح الدين
وحد كل الشمل العربى
شرق وغرب يجوك خاضعين
إرجع تانى لعزة مجدك
( يرجع تانى الوطن الأكبر
يوم ورا يوم ح نشوفه بيكبر
وانتصاراته بتملا حياته )
من أقصاها إلى أقصاها
خضّر كل حبابى حصاها
نمّى وغير شكل الخارطة
واعلى ح تعلى الدنيا معاك
وقت ساعتها
بكره أكيد راح يستناك .

شعر ليبى عامى ..أنـــي تعــبت .. شعر : أشرف الزرقاني ( أسير النجع )

مهرجان دوز الدولى للشعر الشعبى فى دورته السادسة يناقش قضايا هامة

المصدر
فيس بوك
الوسوم

عبد الله محمد عبد القوى

مدير التحرير ..كاتب وشاعر مصرى ..صحفى بمجلة "مبدعو مصر"، عمل فى مجال الصحافة منذ كان عمره 12عاماًـ يكتب فى الجرائد الورقية والمجلات الالكترونية...عضو مجلس ادارة جمعية مبدعى مصر.
إغلاق