موقع إخبارى شامل

أغنية أخيرة .. شعر / منال الصناديقي

أغنية أخيرة
مانيش عيل صغير
لكن أبويا مات
بأبكي زي النسيم
على خد النبات
هاجت ف قلبي موجة
بتطرطش الحاجات
ما بين عيني وعنيه
شدتني الذكريات..
كان راجل ماله زي
بيعشق التقى
بيملا عيني ضي
ف لحظة اللقا
كان إيده ف الغلابة
دايماً متشعلقة
يحضنهم جوا رحمة
وعدل مالوش حدود
لكن كفن الأراضي
بيختار الودود
والعمر يا أبويا ولى
وأنا واقفة بنادي
ياريت نعيد حياتك
لكن مش بالأيادي
وتفر مني دمعة
بلون الذكريات
مانيش عيل صغير
لكن أبويا..
مات.
 

التعليقات مغلقة.