إسلام فصيح .. فنان قادم

اسلام حسن فصيح من الموهوبين فى مجال الفن التشكيلى . نقدمة اليوم من خلال لوخاتة المتميزة على امل ان نراة فى المستقبل القريب فنانا عظيما ولقد التقيناة من خلال مجلة / مبدعو مصر وتعرفنا على تجربتة واستمعنا الية فماذا قال اسلام .

 

انا اسمي اسلام حسن فصيح

عندي 20 سنة

 من منطقة ف محافظة الجيزة

 اسمها قرية نزلة الشوبك

عندي 2 اخوات بنات ووالدي متوفي

وعايش مع والدتي واخواتي

موهبتي بدأت وانا ف ابتدائي عملت لوحه ف الفصل وعجبت المدرسة كلها وبعدها جابوا ليا ادوات رسم ورسمت كاريكتير عجب المدير والمدرسين ومن ساعتها بقيت برسم اسكتشات صغيرة والحوار ده كان في اولي ابتدائي وبعدها بطلت رسم لحد 3 ثانوي

وبعدين والدي اتوفي وانا كنت عاوز اعمل ليه بورتريه وجيت كلمت واحد عشان يعملي واحده ساعتها كان سعرها غالي ف قولت طيب ليه ما اتعلم انا وارسمه وحتي لو طلعت حلوة فرحتها هتبقي اكبر عشان انا اللي راسمها

قعدت فترة متابع فيديوهات ع اليوتيوب وجيبت اسكتشات كتيرة وقعدت اجرب وبقيت ارسم صحابي ومرة ع مرة بقيت ارسم مشاهير ومن ضمنهم محمد صلاح لاني بحبه من زمان

ومرة علي مرة بقت كل رسمة بقت بتطلع احسن من اللي قبلها وكنت ببقي فرحان جدا من تفاعل الناس عندي ع الايميل وبقيت فرحان اكتر طبعا بمستوايا اللي بيتطور

وبقيت فرحان اني بقيت مشهور ف بلدنا وبين اصحابي وقرايبي وطلع ليا لقب الفنان وبقيت فرحان اوي ب الاسم ده

كنت بطور من مستوايا اني جيت فترة ضغطت علي نفسي وكنت برسم كتير اوي وبقيت بشوف الغلطات اللي الناس بتقولي عليها ف رسمي وبقيت بصلحها

وكل هدفي ف الرسم ده اني اوصل لمستوي كويس جدا يخلي والدتي تكون فخورة بيه قبل ما انا اكون فخور بيه طبعا لان انا نفسي اعمل اي حاجه تفتخر بيها بيا قدام الناس

وبعدين انا كنت حاطت هدف ف دماغي اني هتطور نفسي بنفسي من غير كورسات والحمد لله لحد دلوقتي مخدتش كورسات

اللي كان بيشجعني طبعا رقم واحد والدتي اللي ربنا يخليها ليا و من بعدها قرايبي وصحابي

كنت كل شوية برسم محمد صلاح عشان انا بحبه وكان نفسي انه يشوف رسمتي ليه

وكل هدفي ف الرسم ده اني اوصل لمستوي كويس جدا يخلي والدتي تكون فخورة بيه قبل ما انا اكون فخور بيه طبعا لان انا نفسي اعمل اي حاجه تفتخر بيها بيا قدام الناس

كان دايما مع الوقت بيجيلي لقاءات تلفزيونيه بس كنت برفض لان انا شايف ان مستوايا لسه مبقاش المستوي اللي انا بحلم بيه ومش غرور والله بس كل الحكايه نفسي لما اطلع ع التلفزيون اكون حاسس اني استاهل

ان شاء الله بخطط اني اكون ناجح ف حياتي و اكون انا الانسان اللي امي وكل اللي يعرف

 

 

 

 

 

 



أحدث المقالات