ميثاق شرف /شعر : علي عفيفي

 

 حبيبي اللي أنا كنت أتمناه
كان عمري وحياتي فداه
سابني وخد قلبي معاه
وكان بينا ميثاق شرف
———————–
راح الحب وفي لحظة مات
ساب في القلب جراح وآهات
راجع بعد العمر ما فات
جرحني وعاش حياته في ترف
————————
سيبني وروح الله يخليك
راجع ليه بتمد إيديك
فاكر عيني هتبكي عليك
لا يا حبيبي دا العمر فرص
————————–
حبي أنا ليك كان كله جنون
قلبي عليك كان قلب حنون
مكانش في لحظة في بينا ظنون
ما خلاص يا حياتي دق الجرس
——————————
عشت حياتك عرض بطول
وأنا دقت ياما على راسي طبول
أنا مش ناقص تاني حمول
ما قطر العمر مني هرب
—————————–
أنا حالي دى أصبح حال
أنا بحسد خالي البال
وبغني وأقول موال
وحياتي مغنى وطرب
وكان كله ميثاق شرف
————

 

 

 



أحدث المقالات