دلع البحر . شعر : مسعودة جاد الله

دلع البحر . شعر : مسعودة جاد الله

آخرة دلعها المجرمه ملت القلل

. …..

من دموع البحر

وداس جبروت قدرها

على ضحكة ألم فى الصخر

راودها كتير وبيراود

لحد ما دمعه فاق موجه

وفاق من حلمه بعنادها وبيعاند

قادره ف دلالها وتقلها

ومقسمه ضحكة عطش

عالعطشانين

نداهه قاسيه مسلمه

مفاتيح قلوبهم

ورد شوكها المفتري

معلمه الهادي الشقاوه

والشقى من بعدها

تعطش الروح باللقا

والريق بينشف عندها

مع إنها مطره ورياح

ونسمة حلوه مطمنه

عودها القوي

مهما ميلها الهوا. ..

ومالوا لها آخرة دلعها هجرهم

وآخرة عطشهم بحرها



أحدث المقالات