لو يرجع /شعر:د. سناء عبد المنعم عواد /مجلة /مبدعو مصر

 

لو يرجع بيا العمر
شوية
تلاتين سنة
لو يرجع شعري الاسود سايب علي كتفي
لو ارجع أقعد علي بنش الجامعة
وحبيبي يجيني بلبس الجيش الكاكي
باكو الشيكولاتة كورونا في إيديه
اتوبيس الجامعة يفوتني
لو ارجع اركب ميني باص في عز البرد
و العباسية
و الزحمة
راجعة لبيتي في عين شمس
وحبيبي مزنوق جمبي
شايلة كتاب التشريح والبالطو الأبيض
علي رجلي
آه لو يرجع بس العمر شويه



أحدث المقالات