ارض العرب /شعر؛غاده شحاته /مجلة /مبدعو مصر

أرض العرب

 

مآسى لأهلى بأرض العرب

بنسمع ونسكت ويعجبنا دايما نفير الطرب

وننسى اللى باعنا وباع القضيه

وننسى اللى ضيع كرامه العرب

بنحكى إحنا دايما بأنا أسود

وأصحاب حضاره لآخر الحدود

ونيجى هنبدأ نسد السدود

نلاقى إن كله بيحفر حفر

نعيد م البدايه دا يمكن يفيد

يقولوا الاعاده تزود اكيد

بلادنا اللى راحت مارجعتش تانى

دا أصله يا صاحبى القانون الجديد

أقولك نصوصه وأحكام تروسه

ويمكن تبوسه ويمكن يا صاحبى

برجليك تبوسه

ينص القانون :-

على ان كل الرعايا خدم

ويسرى القانون بأرض العرب

من اليوم لحد ما تقوم قيامه

ولأجل ان كل العرب خسرانين

نزود قانونا الحكيم الف ما ده

تقول أن كل الحدود ملك واحد

ولأن العرب هما هما الرعايا

وأن الرعايا فى قانون الدعايه

مجرد حجاره وحبه حصايا

هيسرى القانون رغم أنف الجميع

بأن العرب هما آخر الحضاره



أحدث المقالات