آه يا سينا / شعر /نادية فؤاد مفتاح / مجلة ( مبدعو مصر |)

آه يا سينا

…بقلم .اﻷستاذة /نادية فؤاد مفتاح.

مدرسة بني عبيد الإعدادية للبنين

. —؛———– آ

ه يا سينا وآه ياسينا

ع اللي فيكي وع اللي فينا

حرب تاني مش انتهينا ؟؟

مين معانا ومين علينا ؟

يوم ضحكنا ..ويوم بكينا

جه محمد ..ولا مينا

مش خلاص كده ارتضينا ؟؟

————–؛

قولنا خلاص جه يو م جديد

قالوا :لسه فيه مية شهيد

مية بس؟؟؟؟؟كلام بعيد

شيء يحير واحنا فين؟؟

ومين معانا ومعانا مين؟

——؛؛؛

قالوا نمو قالوا ازدهار

قالوا بكرة فيه مية نهار

فرحت ؛طرت وعقلي طار

وانتظرت وطال الانتظار

————–؛

طاب يابكرة روحت فين ؟؟

ولا بكرة ملهوش عنين ؟؟

ولا ملامح ..ولا إيدين ؟؟

طاب فيه أمل ولا خلاص ؟!

و لا بكرة مفيش خلاص؟!

———-؛

هستنى تاني وفيه أمل

حتى لو طلعنا الجبل

نهز فيه ويهز فينا

وآه يا سينا وآه ياسينا

ضرب فيكي وضرب فينا

وبرضه تاني فيه أمل

وآه ياسينا وآه ياسينا

ع اللي فيكي وع اللي فينا .



أحدث المقالات