قلبى اللى متعلق بيكى / شعر : سيد فاروق أحمد / مجلة ( مبدعو مصر )

قلبى اللى متعلق بيكى

ياست يا طيبه

أغسل همومى بحكاويكى

وانقش كلامى بغناويكى

بالحب والطبطبه

و لما لمتنا عنيكى

سهرت.. زمان الصبا

وأفرح بحضنك وأصافيكى

يا حضنك المصطبه

ست القلوب يا أماى

يا قلب بيساعنا

قلبك قمر ضواى

بيداوى أوجاعنا

يافرحة لما تهل

يا شوق بيندهلى

يا شمس لما تطل

يا صبح زهزهلى

ياقمرليالينا

انتى الرضاياامه

يا حضن عايشين بيه

يا منبع الضمة

انتتى الدفا والضل

والفرح واللمه

يهدينا لو هنضل

ف نلاقى سكتنا

أمايا سامحيني

صوتك بيحيينى

يا دعوة ساندانى

بالخير وفاكرنى

سامحيني يا امايا

سامع اناصوتك

يافجر شقشقلى

نورتى سكتنا

نورتى سكتنا

……… .

سيد فاروق أحمد

رئيس نادى أدب ديروط

أسيوط

 


أحدث المقالات