عمانا السكات/ شعر : إسراءأحمدإمام / مجلة ( مبدعو مصر )

 

 

سيادتك موافق ع اللى حصلك

موافق تشوف الخيانه ف ضلك

موافق مواقف تجيلك تذلك

تطلع عيونك وتحيي الألام

موافق صحابك يبيعوا بسرعه

وأهلك يتاجروا بإسمك كسلعه

وحبك يكون ف الحقيقة كخدعه

يسيبلك جراح وغدر بسهام

موافق دموعك تنزل ليالى

وكله يقابلك يقولك يا غالى

وبعد المصالح يقولك ومالى

ويجرى يسيبك ما تعرف تنام

موافقه سيادتك يقولوا دى عورة

وكله يمرمط كرامتك ف ثورة

ويصبح جوازك بدون المشاورة

وحتى ف حقك منعوا الكلام

موافقين جميعاً ع العنصرية

وان حياتنا تصبح تكيه

مجرد وسيله مجرد مهية

عشان بس نبقى ف وسط الزحام

أكيد كله رافض يبقى فتات

قرفنا السكون عمانا السكات

وجملة بسيطة هقولها بثبات

بدين التسامح هنصبح تمام



أحدث المقالات