وردتين الصبح / شعر : محمد عبد القوى حسن / مهداة لام عيالى / مجلة ( مبدعو مصر )

هذا نشيدك

وردتين الصبح  بيغطوا المداين

فجر تين غربة اماسى فرحتك

طالعه تهادى السحر

من فرع ابتسام تجاويد هواك

وانت واخدة الطيبه بالحضن العفى

ليك امانى الشوق نبيتى ف طلعته

ليك الهوى البكرى المندى ف نسمته

ليك الجنان الخضر بطيورهم يغنوا

كل اناشيد الوداد على لحن اوتارهم

من سحر افكارهم

ف الكوبايات بنات الحى يوزعوا الشربات

فى الجدولين نيل الحنين

بيداعب الحوريات

صفوف وكفوف ف درب الوجد يتهجوا العبير

ويستحموا من رضاك

لليل وسكة سفر مواويلى

للنخل العفى وهفهفات تراحيلى

راجع كما طفل بيدور على امه فيلتقيقى

وانت ف يدك كاس من الجنه

ف وقت ادان بتسقينى

اشرب واصلى ع النبى

واصلى لله العظيم

وادعى دعاء المتيم

انه يراضيك



أحدث المقالات