لسة الحنين كلمات محمد عبد المنعم / مجلة ( مبدعو مصر )


لسة الحنين واخدنى تانى عند بابها ولا قادر انسى
راحت سنين وجت سنين و غيابها بيموتنى لسة
ومهما خالفت روحى وقلت هانساها بغيرها
ألقاها ساكنة روحى ومهما قلت نسيت انسى وافتكرها
وافتكر
كل مكان روحناه كل كلام قلناه
كل طريق مشيناه
وحضنى من بعديها فاضى

مشتاق دلوقتى لصوتها كلامها معايا سكوتها
كدبوا إللى قالوا نسيتها
ولا إللى قالوا هواها عادى
ومهما خالفت روحى وقلت هانساها بغيرها
ألقاها ساكنة روحى ومهما قلت نسيت انسى وافتكرها

وكل يوم عليا يفوت من غير ما اشوفها باموت
وببحسبونى عايش وانا فى الحقيقة باكلم روحى م الوحدة
بنزل بادور عليها كل ليلة فى الشوارع والبيوت
ولسة قلبى مش لاقى إللى عايزه فى اى واحدة
وافتكر
كل مكان روحناه كل كلام قلناه
كل طريق مشيناه
وحضنى من بعديها فاضى
مشتاق دلوقتى لصوتها كلامها معايا سكوتها
كدبوا إللى قالوا نسيتها
ولا إللى قالوا هواها عادى
ومهما خالفت روحى وقلت هانساها بغيرها
ألقاها ساكنة روحى ومهما قلت نسيت انسى وافتكرها
لسة الحنين
كلمات
محمد عبد المنعم
منعم

 



أحدث المقالات