لصاحب الكلام الزين / شعر : جيهان لطفى ابراهيم

الكلام كتير

في جوف الهوا

في توب الريح

في سما عالية

و ارض مالحة

و قلوب مجاريح

و الكلام الزين

تلاقيه في عين الشمس

على لسان عصفور

بيهمس متيم غناه في العش

بين كفتين موازين

في أوجاع الناي الحزين

في ارتعاشة وطن

في خوف مالي السنين

قال البطل

أنا واقف على حدود الزمن

ألملم المواويل اللي ضاعت مننا

و انشر حروفي غزل

و امدح القمر

و افكر دي الصبية …بيا

و اكتب حرفين لحبيبين على الشجر

مدد يا نبي

وانا مش ولي

أنا ابن ركعتين النفل

و سجدة سهو

و صلاة استخارة

قبل ما ترتحل الأيام

انا صاحب ألف عمر و عمر

حروفي تشهي منقوع الشهد

و زهوة العسل

في بيتي فراشة

حولين زجاجة زيت الأمل…

زيتون خضاره شال مراره

و من مراره صبر

الكلام الزين ابجدية…..

أبدية ديمومة الورد و النور و الزهر



أحدث المقالات