بحبك… / شعر / شاعرة الساحل / مجلة ( مبدعو مصر )

ربما تحتوي الصورة على: ‏‏‏شخص أو أكثر‏ و‏لقطة قريبة‏‏‏

بحبك…
بحبك حب ماله حدود
وحبك يملا قلبي ورود

لو قريب مني
او بعيد عني
ولو مديت ف يوم كفك
هأقدملك عيوني شهود

يا ساحرني أنا ليك
وجوايا ضيا عنيك
يا آسرني….
وخاطفاني
بطيب القلب والمخبر

أنا ملكك
في بحر الهوى أنا فُلْكك
ومجدافك
أنا دايبة في أوصافك
أنا سرك
وأنا حارسك وسيّافك

ولما تقول انا عايزِك
في بالك قد إيه عيزاك
يا كل الدنيا .. يا واخدني
لحضنك ولدفا قلبك

خدني كمان وأنا راضيه
وضمني لصدرك الهادي

تعال لحضني
وارمي حمولك على كتفي
تعال وشوف
ما بيا من حنان ضمتي وكفي
كلام الدنيا دي بحاله
لا بيعبر ولا يكفّي

تعال نكبر حبنا بينا
تعال نملا بالهوى سنينا
وندخل بالحياة جنة

جنة لا عاشها ناس
ولا عرفها حد قبلينا
وبالإحساس نخلي الفَرْح بإدينا
ونرمي الحزن برانا بعزم ما فينا
بحبك..

بقلمي.. شاعرة الساحل



أحدث المقالات