بتشد لوحدة بتوجعنى / شعر / ايمان حلمى / مجلة ( مبدعو مصر )

بتشد لوحدة بتوجعنى

بتخيل لو حد سامعنى

مش لاقى غير صدى احلامى

وفراغ وكآبة بتفزعنى

بتشد لوحدة بتوجعنى

وبموت م الخوف

لاموت ومحدش يسمعنى

ولا حد يشوف واتكفن

وانا وسط ملايكة

والباقى معروف

وبحس حاجات مش حسانى

ولا حدش واصل للتانى

مسافات بتقطع احلامنا

والبعد كمان فيها انانى

والشوق لابيرحم ولا يرحل

متغرب وظروفى الجانى

والاقينى بخطط او برسم

بحروف مش قادرة تصورنى

وإن قلت ف يوم مش هتكلم

الاقيها تغيب او تهجرنى

ارجع اناديها بشوق وعتاب

واتأسف ليها وتعذرنى

ونخطط تانى وم الأول

بحنانها الغايب تغمرنى

وتعبر عنى وعن روحى

وان قلت ف يوم ارسمى حاجة

ترسم وتشخبط بتأنى

لو حتى تصور ف جروحى

واتودد واطلب صحبتها

واتوسل ليها ماتهجرنى

إيمان حلمى 6/3/2018

 



أحدث المقالات