هوه دا جيشك يامصر / شعر : عبد الهادى شعراوى / مجلة ( مبدعو مصر )

هوه دا جيشك يامصر
إللى سطر أغلى نصر
رايته عاليه فى كل عصر
أصله من بطنك يامصر .. هوه دا جيشك يامصر
……
إللى واهب عمره ليكى
ليل نهاره و بيراعيكى
سيف ودرع حر فيكى
ضد كل إللى يعاديكى .. هوه دا جيشك يامصر
…….
إللى خطط لإنتصارك
إللى شارك ف المعارك
إللي كبر و إللي بارك
إللى كان للعبة دارك .. هوه دا جيشك يامصر

إللى شال ع الكتف مدفع
وإللى كان بإيديه بيدفع
وإللى كان بيشيل ويرفع
إللى حاربوا فى سينا أجمع.. هوه دا جيشك يامصر

إللى عاد سينا الحبيبة
بعد حزن سنين وغيبة
وإللى عاد طابا لطيبة
والبعيد عن أى عيبه .. هوه دا جيشك يامصر
….
إللى حامى شباب يناير
وإللى قام فى يونيه ثاير
لما شاف الظلم جاير
صرخته جت بالبشاير .. هوه دا جيشك يامصر
….
إللى بيطهر فى أرضك
إللى مايهمه إلا عِرضك
حامى طولك ويا عرضك
من عدو ينهش فـ ارضك..هوه دا جيشك يامصر
…..
إللى بيشيد ويبنى
اللى قام يزرع ويجنى
إللي عمري ما أقوله سيبني
واللى حاضن بنتى وابنى … هوه دا جيشك يامصر
…..
إللى بيفنن ويصنع
إللى بارك كل مصنع
وإللى للتاريخ بيصنع
وإللى بيلبى ويسمع …. هوه دا جيشك يامصر
…..
إللى بيعلم ولادك
إللى زاده من ودادك
وإللى لما طالبتي زادك
إللي بيسطر ميلادك …. هوه دا جيشك يامصر
…..
إللى عمره ماخان أمانة
واللى ما بيقبل إهانه
وإللى مابيرضى بخيانة
فوق تراب أرض الكنانة….هوه دا جيشك يامصر
…..
إللى عمره يوم ما غاب
إللى بيخاف ع التراب
إللى ماعجز وشاب
إللى روحه روح شباب .. هوه دا جيشك يامصر
…..
هوه دا درعك وسيفك
إللى همه إنه يشوفك
والخضار ما بين كفوفك
حتى فى لحظات كسوفك .. هوه دا جيشك يامصر
……
هوه صاحب أغلى عيد
هوه تكبيرة الشهيد
اللى دمه كان شهيد
على نصرك المجيد …..هوه دا جيشك يامصر
….
إللى بتنادى تلاقيه
إللى روحك ساكنه فيه
وإللى نبضك نبض ليه
عزك إنت عز ليه … هوه دا جيشك يامصر



أحدث المقالات