عيون / شعر: احمد حلمى / مجلة ( مبدعو مصر )

قصيدتى ( عيون )

عاشق جمال العيون …. مفتون بالوانهم
العسلى تسحر كيانى ….والسمره احسنهم
والخضرا لون الربيع …وورده ف البستان
والزرقا زى الموج …… تخطفنى قدامهم

وحبيبتى ليها عيون …….. بنيه برمادى
بدأت كما الاعصار …….لكن مهوش عادى
عصفت بكل العيون…… بقوا ليا كالابيض
صارتلى كالدفه ……. وبغيرها مش راضى

قالوا العيون مرايات…… بتكشف المستور
مين اللى بات عاشق …ومين بات مكسور
وجوه عينها لقيت……. جنه وبيت واولاد
طاقه محبه اتفتحت….وحضن زى قصور

ومضيت بعينى جوه …. عينها عقد دايم
اعيش معاها وجنبها ……..وبعشقها هايم
واصبر معاها عالسنين …. واقوى بمحبتها
وابقالها ضهر وسند…ولغيرها اكون صايم

عشق العيون مختزل…لعيونك انتى وبس
مش هتفتن بالوان ….بعنيكى بس هحس
لا عسلى تسحرنى …… ولا خضرا تملكنى
والزرقا منك تغير ……. علشان بحبك بس

#عيون
#شاعربلادالنيل
#احمدحلمى



أحدث المقالات