سندريلا الشعر / ايمان مصطفى / مجلة ( مبدعو مصر )

 

ربما تحتوي الصورة على: ‏‏شخص أو أكثر‏‏

سندريلا الشعر

سندريلا الشعر تاهت
فينكوا ياولاد الحلال
جوا ذات نفس الملامح
بس مفصوله بتلال
من مشاعر حب شاعر
بس شاعر بالجمال
هى هى ولا هى
حلوه سايقه ف الدلال
رغم إن الجو ناسي
مش بيظلم بس قاسي
موجه عاصفه من وصال
المعاني الحلوه تركز
قلب مؤمن يبقى مركز
يفرش الكون احتمال
يغزل الأيام توالى
يفتكر أمسه اللي ولىَّ
يبني قبة ولا ولاَّ
عنده تسأل كام سؤال
تلقى رد بدون كلام
ف حكايات جوا العيون
ترقى بالدمع الحنون
ساعه بيصيبها الجنون
ساعة تبقى جنين سكون
كل حلمه يبقى..حال
يمكن اللي يتوه يعود
تكتمل باقة الورود
تبقى لون ساحة الخدود
دم بيعطر وجود
كل أركان.. احتمال
اكتمال بدر اللقا
جو شرنقة الآمال
اللى بتخضَّر ف ريش
كل من مات راح يعيش
رغم أنف المستحيل
لو تشوف أموات كتير
بس أحياء بالفعال
افتكر لو يوم تضيع
كل ألوان الربيع
ولَّا يبقى الكون فظيع
تبقى أسرار الجمال

ايمان مصطفى



أحدث المقالات