(( مراتك وأمك واختك والوطن )) … محمود حسين آل حسين

قالوا زمان
بلدك فين يا جدع
قال اللي فيها مراتي
حتى اسألوا الودع

ودا كلام له معني
لكل قلب حب الوطن
أصل الوطن والحبيبة
الاثنين بيهم يكون الوجع

وأمك واختك زيهم برضو وطن
حبك وعرضك والكيان الفطن
تخاف بنار المرار عليهم تتلدع

الوطن مثيل الأم
والحبيبه بيك تهتم
واختك ساعت الفراق بتلم
وان تعبوا يصيبك غم
وقلبك عليهم يتصدع

الأم اللي حملت وربت
وعنيها عليك يا ما كبكبت
وكتير ع الكتاف طبطبت
لحظة فراقها تتكبـت
وتحس إن قلبك اتخلع

يا ما عليك سهرت ليالي
همها تشوفك ف العلالي
وان يوم تعبت تبات تلالي
ولو سِنَّة منك تتخلع

ومراتك دي أم الولاد
إتقابلتم في الميعــاد
ويا ما آسِيتم من عناد
من دنيا الكل فيها بينضلع

واختك هي الوطن بديل أمك
ساعة الفرقة حضنها يضمك
وتسندك ساعة الهلع

أما الوطن هو الأســاس
ينهض بيك وبكل الناس
واللي ينساه يوم يحتاس
ودايما يعاني من الفزع

خليك حويط يا دي الجدع
ما تقولش يوم ضهري إنجزع
مراتك وأمك واختك والوطــن
إحفظهم عمرك يوم ما تتخدع

خليك حويط يا دي الجدع

 



أحدث المقالات