كلب مهدر دمة / شعر : محمد ناجى

كلب مُهدر دمه
كلبة تقول لابنها ياكلب
أنا م الأسد زعلانة مفقوعة
راسه واقفة ليه فى السما
فرحان … ورقبته مرفوعة
ماحنا كمان مشهورين
نهار وليل فى الشوارع.ديولنا مشلوعة
عرفاك كلاب السكك بيقولوا

اصله نبيل مش ابن ملدوعة
وثق بنفسك..جميع كلاب البلد وأمك
وأبوك فى الخرابة أصواتها مسموعة
مايهمّكاش م الاسد،”شابك”معايا
الديب تشبيكه مشروعة
الديب دا طبعه الكرم
“بيعبّى وبيدّى”لأىّ دلّوعة
وبصّ دايم ورا،الديب دا
لو يوم تخونه،زنقك فى بالّوعة
ايّاك تهبهب عليه لو جاد بشئ “تأخذه”
متقولش لا ده شويّة لو حتى زعزوعة
وخلّى بالك دا “سمّاوى الكلاب “علّمك
بيقول عرفته دا أزعر وعينه مقلوعة
خايفة على الكلب منّه أروح فى يوم الخرابة
وألاقى رجلة وطيطه وراسه مقطوعة
محمد ناجى



أحدث المقالات