بالصور / نجاح امسية عبد القوى برابطة شعراء العروبة بالقاهرة وبحضور الكبار وتقديم الدكتورة ثريا العسيلى

فى ليلة من ليالى الشعر والروعه والجمال اقامتها رابطة شعراء العروبة بالقاهرة للشاعر / محمد عبد القوى حسن / رئيس مجلس ادارة جمعية مبدعى مصر الادبيه ورئيس مجلة مبدعو مصر المعروفه  .. حيث قدمت الاستاذة الدكتورة / ثريا العسيلى رئيس مجلس ادارة الرابطة .. قدمت الشاعر  محمد عبد القوى حسن للامسيه تقديم اكثر من رائع وبعدها قدم عبد القوى اجمل مالدية من قصائده فى شعر العاميه الحقيقيه التى نالت استحسان الجميع وحضرها كبار ونجوم الادب بمصر وسنوافيكم بالاسماء لاحقا .. واسرة مجلس ادارة مجلة ” مبدعو مصر ”  تتقدم بالشكر لكل القامات الادبيه رفيعة المستوى التى حضرت الامسيه فى هذا المكان الذى يعتبر اشعاع  حضارى يستمد خطاة من تاريخ الادب العظيم بمصر مع خالص الامنيات الحلوه للجميع بالتوفيق

كل الشكر للاستاذه الدكتورة / ثريا العسيلى رئيسة الرابطهوالاستاذه / جزية فهمى سكرتيرة الرابطه .. والاستاذ الدكتور / يسرى العزب / والدكتور الاعلامى السيد حسن / والدكتورة الاعلامية / جيهان الريدى .. والدكتورة / نوران فؤاد / والشاعرة القديرة / ايمان يوسف / والروائى الكبير / فوزى وهبة .. والشاعر الكبير / اسامه ابو النجا / والشاعره الكبيرة  الدكتورة / نعيمة حسن ..  والشاعرة الدكتورة / سناء عبد المنعم عواد يوسف ..والدكتوره / نجلاء مؤمن .. والشاعر الفنان / محمود حسين .. المدير الفنى لمجلة ” مبدعو مصر ” والشاعر الصحفى / على الحامدى .. والشاعر الجميل / محمد مفتاح .. واخرين كثيرين سوف ننشر الاسماء كلها عندما تصلنا من الرابطه اليوم

 

ونشكر الدكتورة نوران فؤاد التى كتبت على صفحتها هذه التغريده

 

تمت إضافة ‏‏11‏ صورة جديدة‏ بواسطة ‏‎Noran Fouad‎‏.

‏12‏ ساعة · ‏القاهرة‏، ‏‎Cairo Governorate‎‏ ·

شكر وتقدير *
بوركتم رابطة شعراء العروبة برءاسة العالمة الجليلة وفخر مصر الاستاذة الدكتورة/Sorya El Easily،وتكريمكم تاج على رؤوسنا وفى الحضرة الادبية الرائعة للشاعر العبقري /محمد عبد القوي حسن رءيس جمعية مبدعى مصر،واسناذنا الشاعر الكبير والناقد السيد الاستاذ الدكتور/يسري عزب ، و بمكان اعتز به كثيرا جمعية الشبان المسيحية وفى حضور شقيقة الروح الاخت Gzera Gizera Fahmyجزيرة بوركت وحفظت.

كما نشكر كل الذين تحدثوا عن شعر الشاعر محمد عبد القوى حسن فالجميع اثنى على شعرة وطلبوا منه المزيد لكن عبد القوى  اكتفى بعدد 4 قصائد من قصائده وننشر القصائد كاملة التى قدمها عبد القوى فى الامسيه

 

كتب: محمود حسين ال حسين

في لقاء تميز بحب الوطن كانت ندوة رابطة شعراء العروبة التي عقدت مساء أمس الجمعة 12 يناير 2018 برئاسة الأستاذة الدكتورة ثريا العسيلي رئيس رابطة شعراء العروبة .. وكان ضيف الندوة الشاعر والأديب الكبير الأستاذ محمد عبد القوي حسن رئيس مجلس إدارة جمعية مبدعي مصر ورئيس تحرير مجلة مبدعو مصر ..وقد استعرضت الأستاذة الدكتورة ثريا العسيلي سيرته الذاتية ..

وقد تميزت الندوة بتجمع عدد من الإعلاميين والشعراء والأدباء الذين تباروا في إظهار حبهم لوطنهم بإلقاء أشعارهم في حب مصر .. وقد حضر اللقاء شعراء من سورية وفلسطين وشاركوا بأشعارهم وكلماتهم التي اتسمت بالحب والود والصفاء فأضحت الندوة وكأنها مظاهرة حب أشعل فتيلها ضيف الندوة الأستاذ محمد عبد القوي حسن بقصيدة له في حب مصر …

هذا وقد تبعته الدكتورة نوران فؤاد بقصيدة أخري أبدت فيها محبتها لمصرنا الحبيبة كما تحدث الإعلامي القدير الأستاذ فتحي الملة قد حضر اللقاء شاعر العامية الكبير الدكتور يسري العزب وتحدث عن الشاعر الراحل الاستاذ ابراهيم عيسي أحدمؤسسي رابطة شعراء العروبة ثم الشاعر السوري الأستاذ عدنان برازي الذي أعادنا لذكريات أمجاد سابقة عن الزعيم الراحل جمال عب الناصر استعرض فيها بعضا من صفاته التي من أجلها أحبته شعوب الوطن العربي كما ألقي الشاعر الكبير الإعلامي القدير الأستاذ سيد حسن رئيس شعبة شعراء الفصحى باتحاد الكتاب المصري تناول فيها بعضا من ذكرياته عن الشاعر الكير الراحل إبراهيم عيسي وهو من مؤسسي رابطة شعراء العروبة وأثني علي نشاط الرابطة برئاسة الأستاذة الدكتورة ثريا العسيلي كما تحدثت الإعلامية الكبيرة الأستاذة / جهان الريدي متحدثة عن ضرورة الاهتمام باللغة العربية وألقت أبياتا من الشعر في ذلك المضمون .. كما تحدثت الشاعرة الفلسطينية الدكتورة نعيمه حسن وألقت احدي قصائدها ..كما تحدث القاص الكبير الأستاذ فوزي وهبه .. كما شارك الشاعر الأستاذ علي تمام الحامدي بكلمة أثني فيها علي صديقه ضيف الندوة الأستاذ محمد عبد القوي حسن والقي بعضا من أبيات الشعر من تأليفه ثم تحدث الشاعر محمود حسين آل حسين بكلمة قصيرة تبعها قصيدة في حب مصر عنوانها ( تسلمي مصر العفية ) … وخشية أن نكون قد نسينا أحدا من الحضور فقد كان الحضور كبيرا فسوف نوافيكم بمقتطفات بصور أخري ومقاطع من الفيديو ضمن مقالات أخري بمشيئة الله تعالي

 

 

مصر من تانى

شعر : محمد عبد القوى حسن

_______

وأحب مصر
ضلوع بتتشوق لنيلى
وتروى طمى اللهفه
من وردة حنينى
احبها قد ابتسام الشوق
فى اوردة التوحد
واحبها
نسمة ربيعى للمهج
واحبها عسل الامانى
فى تسابيح اشتياقى
تناهيد وليده بتكتب عشقها
حرفين ندى
وحرفين صلاه
وتلات حروف متشبكين
دمى
شراين غنا للعشق يتوضوا
بين زمزم الايام
وروضات الصبا
والخدمه ميرى
فى صحرا تكوينى
طوابير بتحكى الشمس
لليل المسافر
تواريخ بتطلع من سما
عيون الصحاب الطيبين
وبيوت فقيرة بتستحمى بالذكر
تسابيح وضى وفجر لسه بيتولد
فى ايدين رضيع
من ننى عينه قصيدة الاكتمال
واحبها بقد الشجر
على شط ايامى
وبقد نخل صعيدى
بيحاكى الصفاء
وبحبها لولى فى حوارى الصيف
والقاهره بتحبى باناملها فى ضلوعى
واسكندريه صبيه نعسانه
بتشطف عينها فى موالى
عنب السويس النبيتى
ف ضحكة اصحابى
تقطفنى لمسة ساحره
من ضى اورادى
من نهد ايامى
من شهد مهد الصبا
ولحد احلامى العفيه
بمجد بينبت
ووجد بيثبت
اللحظه فى عروقى
عشقى ومعشوقى
والشيخ محمد رفعت
والنقشبندى
وقلل قناوى
فى السيده زينب
واربع عساكر جيش
فى محطه المترو
وتلات بنات من جامعة المنيا
وعلم على جبينى
فى التحريريودينى
من بين السموات الرحيبه
يرسينى
قمرابتسامى ف قمح اطفالى
بساتين رضا ضحكة قناديلى
حداد جاهين والست على مكتبى
ندهة عصارى مافوق السد تجمعنا
ترجع تدمعنا تانى مصر من تانى

 

————————————

 

وقفت تنًده
———

الى روح والدتى رحمها الله

———————–

من شباك الدور التانى لبيتنا النى
وقفت تنده
ييجى الصوت لودانى حنين
اخد كل عرايسى الطين
كل احصنة البوص والقش
حجرى الضيق والمترقع
واطلع اجرى
على مصطبه فاضيه ومشغوله
قاعده تقلب فى المواعين
كلت شبعت
شربت ونمت
جنب العشه ترقع توبى
او بتوكل فى الكتاكيت
فوق السطح تلم العبش
باتت سهرانه بتتنقل
م المقعد للزير الساقع
وتبل فى قورتى بطرحتها
نشف الزير .. ملته بدمعتها

كانت تطلع كفها فاضى
وانا كفى فى اطراف طرحتها
فى جلابيتها
دايما ماسك
توصل غيطها
تلم الساقط من نخلتها
وبايده تفصص عجوتها
مع بصلتها او فجلتها
ترجع شايله وماسكه فى ايدها
شريط متكرر
وانا ع الدرب وبين سكتها
على شمعتها وحنيتها
شب العود وبقيت دنينها
بقيت حجتها
بعد ما نار الفرن عمتها
ونار شمسايت الغيط ضربتها
قلب اتضخم من كوانينها
كبد اتليف هد كيانها
قلت حاجيلها

 

وحارطب تحتيها نجيلها
حاملى السره من مواجيرها
لكن كان الحزن سابقنى
استكترنى عليها لحقنى
نفس اليد الكانت ناعمه
ماسكه فى طرف وتوب طرحتها
هيه اللى شالتها وغطتها
بعد ماكل انواع الدوى
ملتهــــــــــا[

 

 

————————————-

سلام الله .. عليك يابا
شعر : محمد عبد القوى حسن
————————————–
سلام الله عليك وانت..
واقف تراقبنى م الشباك..
وأنا عيل..
يا دوب عمرى سبع سنوات..
واقف خايف من العتمة..
سلام الله
وأنا أجيلك ف نص الليل
وعمرى يا دوب عشر سنوات..
ترابى ف حجرى وعيونى..
أخبط خبطتين ع الباب..
وتفتحلى.
وانت..ف.. يدك المصحف
وتضحك لى..
ما كنت ف مره تمنعنى
عن الاصحاب..
سلام الله..
تركبنى عل كتافك..
توكلنى
وأنا وياك ف صوﻻتك
وتسقينى..
وتشرحلى آيات الله..
نشق الضلمة والغيطان
وﻻ يهمك..
ونروى الأرض نص الليل
وأنا خلفك..
وزى ما تزرع الزرعة..
بتزرع فيا حب الله
..وحب الخير لكل الناس..
شربت الطيبة منك شرب.
.وما عرفتش أغيرها..
برغم الدرب.. آه م الدرب
سﻻم الله عليك يابا
وروحك فى سبع سموات
شايفها كل لحظه بشوق
حاسسها ياجميل الحس
خمس سنوات
وﻻ عمرك تفارقنى
واترجاك ما تحرمنيش من الطله
دانا ابنك
محمد اللى كنت بتشيله على كتفك
وتمشى به كما الرهوان
وﻻ عمرك ف مره تعبت
وﻻ كليت ..
وﻻ ضجيت
تشيل الحمل باحماله
على كتافك ماقلتش اه
تعدى جبال عشان القوت
بسرعه تفوت وترمى سﻻم واطمئنان
على كل البشر والطير
وكنت امير فى اخﻻقك
ماحد ف يوم شكى منك
وكل اللى يقابلنى يقول
ابوك ده .. كان راجل طيب
وابن حﻻل
ويابا كتير من اصحابك مصاحبينى
بنحكى كتير ف قعداتنا
ياابويا عليك
وكنت انت تشيل الكل تراضيهم
وتاخد من حنان قلبك وتديهم
وعارفك كنت بتخبى اﻻلم عنا
وﻻ ف مره شكيت لطبيب
وﻻ مره عشقت نحيب
ونفس السكه انا ماشى
اهو فيها تناجينى واناجيها
.. مشينا كتير وشقينا دروب ياما
. ف كل حتة لك بصمة
ف كل خانة ليك مشهد
ف شجرة سنط
جدر النخل
هنا قعدة
هنا حكمة
أكلت معاك هنا لقمة
هنا ومعلمه علامة
وزهرة عودى أنا اﻻخضر.
مع عمر العيدان ف الغيط..
وشلت مكانك الميزان.. على كتافى
رجعت البيت..
.. معايا فرحة الأيام..
وقلت هاحقق الأحلام
.. واقف ع الباب.
. أخبط خبطتين اتنين..
تلاتة أربعة وعشرين..
وهوه الباب
ونفس الببت
ومين ينظر لى بالبسمة
العريضة السمحة
ويطبطب على أكتافى ؟
.. ومين ينده لأمى تقوم تعشينى ؟
..وتتبسم بفرحة كمان
صحيت العصر قبل أدان
وفى رمضان..
لقيتنى هناك..
واقف أدعيلكوا بالرحمة وبالغفران
سلام الله عليك يا با
سلام الله

 


 

 

وبتشوق

شعر: محمد عبد القوى حسن

—————

وبتشوق

لمسة ندى الطيف المسافر

للعيون السود

 ف قلبك الطيب

سكك احلام

 وشجر بيخضر لسه

ايام ماكنت بعيش

 ف سغر الضحكه الصافيه

وبتشوق

 

سما ونجوم

 

قمر ع البحر اليوسفى

 

ولا كنت زى زمان

 بتسحرنى موجه عفيه

 

تسجد البسمه لعيون الشط

 تتلقاك

 

على كفوفها

 

امواج بتتسرسب من الحواديت

 

 

وطيور بتضحك للسنابل

 قمح اهلى العرقانين

 

يرووا بدموعهم

 سكك الغيطان ف العتمه

 

وتبصم اكعابهم على الطرقات

 

 

احلم بغنوة بنت فلاحه

 

وسط البنات ماشيه بتتدلع

 

بتغنى غنوة الشاطرين

 ف مواسم البرتقان

 

زمااااااان

 

كانت تاخدنى الدنيا بالاحضان

 

اطلع من الفجريه للعيدان

 

واقف نخيل

 

طالع شجر للنيل

 

فيميل جريد النخل ويهفهف

 على كمى

 

وانا وامى طالعين للحيضان

 

نرويها اشواقنا

 

دلوقتى بتشوق

 

لمسة ندى الكون للزمان الجميل

 

 

وسافرت امى سابتنى وحيد

 

ف غربة ليل

 

وجدى حسن من قبل امى راح

 

يحجز مكان ف الجنه لاختى نجاة

 

قعد السكات يقرانى على غفله

 

ضهرى انحنى بدرى

 

ولقيتنى طالع من عيون الكون

 

واقف وحيد على اخر الشارع

 

لمض النيون واعمدة الفقر

 

دابت كعابى م المشاوير

 

ف ملح الامنيات

 

عقلك شتات

 

بيبات ف وسط الغابات

 

تاخدك ساعات وساعات

 

تجيك لفكار

 

الدنيا نار

 

والجنه راحت للحيضان

 

وامك وجدك وجدتك واختك

 

اخذوا معاهم ضحكة الفيسان

 

ماقاعدش غير

 ريحة عفار السكك

 

سكك المقابر

 خلتنى بتشوق

 

رجليا متكتفه

 

متمسره الاحلام

 ف عضم الميتين

 

تنده يجيك الصوت

 مالوش عنوان

 

 

نرجع لنفس القعده تتشوق

 

 



أحدث المقالات