…..(صلاة الحياه)……/ شعر : عاطف شعبان


لسه اللي نايم
رافض يقوم
م النوم
ويحس طعم البرد
لسه اللي نايم
رافض يقوم
ويعلن للوجود الرد
الرعشة مغميه
ع الحياه
وكسره الخطاوي
جواه
بالف جدار وجدار
شايف بكره بعيد
خايف يشوف النهار
ينفض جسمه
ويخرج م المتاهة ف يوم
قبل الاحتضار
يروي نخيل عطشان
طاله العطش
ويصحي سواقي ناعسانة
جوه قنواي همدانه
ينقش اسمه
فوق الأرض
ويصلي ..صلاة الحياه
من بعد ما
شجر الخريف
منتشر
وطرح فى الغناوي مرار



أحدث المقالات