وكنا زمان / شعر : ندى اسامة

وكنا زمان عيال جدا
ولا بنقلق من الفرقه
ولا بنحزن…
ل بنفكر ف ناس باعوا
ولا ف بكرة واوجاعه
ولا بنخاف…
عيال تشبه ورق شفاف
جمال يتشاف خُفاف جدا بدون احمال
عيال جدا – بريئه وبس..
كلامنا اوضح كتير م الشمس
براءة وهمس…
كلام مفهوش بذاءة وخبث براءة وبس
بدون تخطيط ولا تعميق ولا كلاكيع ولا تلاكيك
براءة وبس مش اكتر
ل بنفكر ف جي بكرة
ولا بنبكي عشان ذكرى
خفاف جدا بدون ولا شئ
يزيد الطين على كتافنا
بدون اوجاع تزود خوف جمال مكشوف وطاهر طهرة ظاهر خام
ولا بنحسب شهور وايام ولا بنحسب وجعنا الكام ..
وكام مرة قلوبنا اتهددت بقلوب سابتنا ف عز وقت الضعف
شغلتنا ف لعبة مش اكتر
عيال فعلا لكن والله بنقدر
قلوبنا نضيفه ورقيقة
بنحزن لو ف يوم صاحب يحس بخنقة او ضيقة
عيال والله بس نضاف..
وكنا اجمل كتير مِنٌا وكنا ظراف
يشوفنا جريح يزيد فرحه
يحب الدنيا نضحك له يطيب جرحه
وايه هي البراءة الا عيون اطفال وكلام يتحس…
ما كنا عيال بسيطه وبس
وكل طموحنا بلونه وكحكه وقرش ساغ ف العيد
وكل املنا لبس جديد ..
ما كنا عيال…
عيال تشبه لأسمينا
عيال تشبه حاجات فينا
ما كنا عيال ؟؟
مشينا ضحكنا وكبرنا
كبر حزننا فبكينا
ما كنا عيال…
واصبحنا ولا نشبه لأروحنا
غرسنا قولبنا ف جراحنا
وزيدنا البله بالطينه
كبرنا بحجم مشاكلنا
وزاد حمل السنين شِلنا
وجبنا ف عمرنا أخرنا
فأصبحنا لوحدينا …
———–
ندى أسامة
بنات ماما نونه


أحدث المقالات