رصاص خيانة للشاعرة /:امال ناجي


هو انت ايه اللي جرالك يا ضنايا و عزوتي ؟؟؟
سالت دموعك من آلامك والا دي من فُرقتي ؟؟
هو انت مين اللي اذاك طب قول يا قلبي يا دنيتي ؟؟
مين اللي مد ايديه عليك برصاص لئيم يوم جُمعتي؟؟
قول يا ابن عمري مين غشيم اللي بإيديه سالت دماك…؟؟
خلاك فارقت مخدتي؟؟
انت وابوك روحت لصلاتك وانا قاعدة في الخلا بمشنتي؟؟
باعمل فطورك او غداك …مش فاكرة ايه من صدمتي ؟؟…
وسمعت ضرب ونار كتير والخلق تجري تقول قتيل…
ما انتش قتيل يا ابن الامل… دا انا لسة كنت موضياك !!!
رايح تصلي بعباية بيضا…وطاقية صوف لايقة عليك و مجملاك!!!
ارهاب يا ناس ؟؟مين اللي قال؟؟ يا ولاد حلال ابني هناك !!
أَجري… و أَقع… كام مرة وانا جاية الطريق حاساه بَلاك !!!
زي رحاية وانا حبة القمح اللي كُنت بأَكلك….
مش فاهمة ايه اللي جرى؟؟
يا ولاد…!! يا ناس…!! هو ابني ده هو اللي واقع ده هناك ؟؟؟
يااااااااا حرقة القلب اللي شالك بين حنايا حنيته …
يااااااا كل نبضة وكل لحظة وكل همسة حب…
يااااااااا نني عيني ودنيتي …
قتلوك يا قلبي؟؟ وفي صلاتك؟؟ قبل ما تكمل علامها في مسجدك ؟؟
هو اللي جنبك ده ابوك ؟؟
ما لحقش يمسح دمعتك ؟؟
و لا حتى شاف منك آهاتك ولا كسرتي؟؟
هو اللي قتلك ده دا ايه ؟؟
خنزير عقيم ؟؟ والا القرود اللي جُدودهم عششت في حيطان زماننا وكلبشت ؟؟
يا ابن الامل كانت حياتك دنيتي ..صبحت آهاتك ويا دمعة من عينيك ساعة وفاتك مُنيتي….
لكن باقول و بكل عزم وقوة مِني برغم حتى كسرتي…
نام يا ضنايا…نام شهيد يوم جمعتك …
و في جنة عالية دنيتك …
أما عليا… برغم حزني على الفراق وبحُرقة القلب اللي داق المُر اثناء دفنتك…
لآخد بتارك واحني كفي بدم كل اللي رموك برصاص خيانة يوم صلاتك جمعتك …وفي مسجدك ….
انا صبري اقوى من الكلام يلا سلام والاقاك في جنة الخلد اللي فيها هاتبقى لاجلك ليا برضه جنتي ..



أحدث المقالات