انتو مين / شعر : سميرة الاسريجى


هو انتو ايه ناس زينا
ولا انتو من جنس الشيطان
ولا الشيطان تلميذ لكم
والدرس ممنوع الامان
ولا تكنوش , مش م البشر
من جنس لسه مانعرفوش
يشبه فى تكوينه الوحوش
مبيفهموش مابيرحموش
كل افكار كم فاشوش
ارهاب ماجوسى طبعكم
والدم وافر عندكم
انتم حجر من غير قلوب؟
ولا بشر وقلوبها طوب
ولا حطب والع بنار
من قبل ناره ماتنطفى
بيإيدها من نار الصدور
انا عندى ليكم كلمتين
بس الكلام هيفيد باإيه
وانتو اللى عايشين ميتين
ولاتعرفوا ف الاخره نار
ولا تعرفوا ف الدنيا دين
اصغر مافيكوا شيطان رجيم
ياضعفكم ياشركم ياغدركم
مش عارفه اقول ايه عنكم
قتل البرىء موصوف لكم
بيداوى فيكم كرهكم
حتى المساجد والصلاه
ملهمش حرمه عندكم
ياللى انتو بايعين نفسكم
٠٠٠٠٠٠
أما اللى راحوا بيدكم
م الجنه صوت بيقولهم
يابختكم ياسعدكم
ياللى انتو شهداء ارضكم
متوضين لغسلكم
سيدنا عثمان قبلكم
نال الشهاده زيكم
وف انتظاركم كلكم
الجنه وقصور ربكم



أحدث المقالات