بيان / مجلة / مبدعو مصر

ان مايحدث بمصرنا الحبيب وعلى ارضنا الطاهره وفى مساجدنا وكنائسنا لايرضاه اى دين ولا اى مله ولا اى عاقل فليس معقول ابدا ان يتم ذلك فى ايام اعيادنا وفى مناسباتنا السعيده .. فلابد من وقفه قويه بكل ما نملك من مال وجهد وعرق وكفاح وتصدى بكل عزيمة الرجال الشجعان بجانب جيشنا البطل الذى لا يهزم ابدا وشرطتنا القويه الواعيه التى لا تلين ابدا امام الخونه الملاعين الذين يحاربون العزل وينالون منهم وهم بين يدى الله فى مصلاهم .

فوجب علينا ان نقف اقوياء كما وقفنا من قبل وكما  شهدت لنا صفحات التاريخ فى المحن تظهر معادن الرجال الاوفياء الاشراف فعليكم ياابناء مصر ان تتحدوا جميعا لمحو الدواعش من ارض مصر وعدم السماح لهم بالنيل من مقدساتنا وارواح العزل ونشر الرعب والحزن بين قلوب المواطنين الابرياء .

وجب علينا الان الان ان نقف ونتسلح بكل عزيمه ونعتبر انفسنا جميعا جنودا على جبهة القتال صفا بصف بجانب وخلف جيشنا العظيم حتى نخلص الوطن من كل الخونه والمرتزقه الملاعين .

علينا ان ننشر الوعى .. علينا ان نحارب الاشاعات .. علينا ان نهدى الوطن ارواحنا . علينا ان نقف وقفة رجل واحد فكم عانينا  من الارهاب ومن الخونه وكم عانينا من المرتزقه الذين لا دين للهم ولا ضمير لهم .

لا للارهاب

———

احنا فين

احنا مين

ايه جرالنا

مال عقولنا

يبقى قدامنا اليمين

والشمال يقتل ميولنا

وانت يامه ايه جزاتك

كل اعمالك عظيمه

فاتحه يدك فارده شالك

طيبه ودايما كريمه

واحنا من يوم ما اتخلقنا

واحنا بنشمك عبير

ربنا عطانا ورزقنا

مصرنا بخيرها الكتير

كنا نحبى بين ترابك

كنت بتضمى بحنانك

تكتمى ف قلبك عذابك

لجل مانكون لك كيانك

فوق وشوف مين اللى ربت

واللى سهرت لجل عودك

واللى اعطت خيرها سدت

حطمت اعداء حدودك

هى دى مصر اللى وفت

كيلها ولا غشت ميدان

دى اللى جريت لك ولبت

يوم صرخت مابين ميدان

يوم نزلت الارض عايط

ضمتك ضمة حنان

قدمت خيرها ف سبايط

من نخيلها وم الجنان

ليه قسيت وطلعت خاين

ليه بتتمرد عليها

ليه تفجر ف الكماين

جبت عاليها ف واطيها

قلت رايك لجل تبنى

واحنا قولنالك غلط

داللى عايز يبنى يابنى

يبنى لو يبلع زلط

بس جاى اليوم اقولك

العدو مالهش مله

لو اخويا وتاذى خلك

هاقتلك وارميك ف سله

——————-

تحيا مصر .. تحيا مصر .. تحيا مصر

وعاشت مصر فى امن وامان ابد الدهر

محمد عبد القوى حسن

مجلة / مبدعو مصر



أحدث المقالات