من اول يوم / شعر : صالح رجب

من اول يوم
دخل الجيش
ابن قلبى
ونن عيونى
كان بيوصيني
ويقولي ياا ما
لوجيت شهيد
عايزك تزفيني
اعملي لى فرح
وباعلي صوت
ياأمى زغرتيلى
اوعي ياأما تعيطي
قولي لجيرانك
ابني راجل
وماتحزنيش
عرفيهم ان الحياه
من غير وطن
عندى يااما
ما تساويش
و تعالي علي قبري
وزوريني
واقرئي لى الفاتحه
ياأمى وادعيلي
هاأبقي سامعك
وانتي بقلبك
حسى بيا واسمعينى
ابنك في جنه ربنا
مع الشهداء والمومنين
ابنك مصاحب
ابو بكر و عمر
وعلي وعثمان
والحسن والحسين
ابنك في حضن عيسي
ومريم البتول
ابنك بيشرب يا أمي
من حوض الرسول
صلي الله وعليه وسلم
————–
كلمات الشاعر صالح رجب



أحدث المقالات