الوصال موصول / شعر : سميره الاسريجى

ولساه الوصال موصول
برغم البعد عن عينى
قلوبنا ف الهوا بتدوب
بتطمن على حالى
وانا بالى عليك مشغول
فبسأل كل من شافك
وببعتلك كلام ف سطور
يوصلك وصال موصول
وتسأل عنى اصحابى
وتطمن على حالى
وتشكر فيا ف غيابى
وتبعتلى سلام معسول
محدش يفهمه غيرى
يعيد ذكرى فى تفكيرى
يطمنى الوصال موصول
احس ساعات باانفاسك
بشوق قلبك واحساسك
فاكرنى ف كل اوقاتك
وانا قلبى تملى معاك
وقلبى يحس بوجودك
واشوفك حتى ف غيابك
مهو لسه الوصال موصول
ولساه الوصال موصول
——-
سميره الاسريجى
ماما نونه



أحدث المقالات