مطلوب حياة / شعر : سميرة الاسريجى ( ماما نونه)

سميرة الاسريجى
ماما نونه
————
مطلوب سفينه للنجاه
ويكون لها قبطان نبيل
ضميره عزه وقلبه جاه
وايديه شراع بيشدنا
مطلوب حياة مترتبه
رسماها ايد متعلمه
متعلمه تدى الوفاء
ايدين بتنتج توب حياه
متعوده تصنع شفاء
حتى ولو متألمه
وبدنها شايل الف داء
معناها ايه كلمة حياه ؟
ان الضمير لو يندبح
يبقى اندبح طوق النجاه
اهو هو ده معنى الحياه؟
احساس بسيط لكنه مات
ماتت معاه كل الحاجات
وعشان كدا طالبين حياه
حياه تكون متغيره
بتشوف لقدام مش ورا
حياه تكون مزهره
وعقول بعلم منوره
وايدين تجمع بعضها
تنتج اراده بعزمها
طالبين حياه متطوره
تشدنا لبر الامان
بالعمل بعد الايمان
تبقى دى هى الحياه
حياه حاترضى ربنا
—————–
سميره الاسريجى
ماما نونه


أحدث المقالات