ســـيــد نــا الــــــــــو لــــى / للشاعر / محمد عبد الفضيل

 

كل العيون اتبتلت
لما الملايكه تنزلت
ماده الكفوف …
والجبهه وطت وإنجلت
تكبيره عاليه وجلجلت
فإتخدرت كل الأنوف …..
يا صمت جوف
غرقان ف معدة أربخان ….
رافضه تملي اللي وفــــــــا
هــا ضمه ف جوفك ميت جبان ….
ودواهي سودة إترتلت
فغيمت ع صوت آدان .. …
تكبيرة المولي صداق
وسجوده أصبح كبرياء
ستي العجوزه دي ولولت
من ميت سنه ..
وإتجرعت حرقة وضــنـــا
وأمي اللي ماتت م العيا
مقهورة من يــوم كـــر بـــــلاء ….
يا صوت دفـوف
سيدنا الولي
من بين فخادك تنجلي
العوره مش حد الركب
ولا ف عبيط راح يتركب
العورة عورة … أبريــــــاء ..
تباريح صباحك أعلنت
أن الطقوس . رافضة الظهور..
والخدريات . اللي إنبرت
من حيضها . من عــدة شهور …
دا عيونها من كتر الكري
رافضه . صداقك والمهور .. ..
يا خيول عبيطه محجله
دايسه علي قبلة إمام
فايته المقام .. ومعجله
أرجوكي تنفي الإتهام …
مين اللي ف العده سلاح
أجياد . عرب
راميه السماح
ولا عموله والسلام …..
يا ندل بحبح فـكـتـك .
وأفرط لنا حبة رضي
بكره هتيجي وقفتك
راح تنسطل باللي مضي
وأعرف تماما إن سكرة عزتك
معجونة من دم و سفاح
معجونه من دم و سفاح



أحدث المقالات