مبدعو مصر .. تختار قصيدة ( ماساة شاعر ) للشاعر محمد عبد الفضيل / كاحسن قصيده هذا الاسبوع بجروب الشاعره مرفت جابر

فى جولة سريعه لمجلة ( مبدعو مصر ) بصالون الشاعره / مرفت جابر .. تم اختيار قصيدة الشاعر / محمد عبد الفضيل  ( ماساة شاعر ) لنشرها بالمجله تكريما للمجله بهذا الشاعر وتكريما لنا بصالون الشاعره المحترمه .. وكان اختيار القصيده لتمتعها بمفردات سلسه ولغه اصيله محببه للقارى وايضا لما تحفل به القصيده من صور صادقه ومفردات غير مستهلكه .

مجلة ( مبدعو مصر )

مـــأ ســــأ ة شـــا عــــــر
————————
شعر / محمد عبد الفضيل
————————————
أنــا الــشــا عــــــر
أنا الموصوف
بإن الحرف طوع إيــــدي …
أنا الرايق . أنا العاشق .
أنا اللي بدوب
ف تنهـيـــد ي …………
أنا اللي الكلمه توجعني
مفيش حاجه ترجعني
وأقول الحق .
لو . يصفي . زمام الدم
ف وريــد ي ……….
أنا الـثـا يــر ف وسط ميدان
أنا العازف . علي الألحان
أنا . اللي قلت
كنا وكان
يا ريتوا ما كان .
سفيه الناس ف يوم .. سيـــــد ي …….
أنا المعصور عن الهيصه
أنا المحبوس ف تهييسه
أنا الممسوك بتلبيسه
أنا . اللي الجد علمني
وفهمني . وكلمني
أوحد ربنا دايما
وأهــــد .. ف كل تـوا بـيـتــــي …….
أنا اللي قصيدتي وجعاني
ووزن الحرف طفـفـنــي
بكيل كلمتي دايما
وكل الخلق تعرفني
وغيري ف البـنـا يعلي
وأنا بتتهد عــوامــيـــد ي …
أنا اللي الشعر شيبني
وسطر ف الوشوش حكايات
وفرفطني .. ودوبني
وكفرني بالهبل واللات
أنا اللي آمنت بالرحمن
رضيت . بعطائه ف الأزمات
أمانه . يارب . يوم حرفي
ينجـيــنـــــي ..
وعن نارك ياخدني بعيد
ويبعدني …..
——————————————

يشرفنا زيارتكم لمجلة مبدعو مصر على الفيس بوك اضغط هنا



أحدث المقالات