موسوعة شعراء العامية المصرية / الشاعر : أحمد صالح

 

النبذة

أحمد صالح
شاعر وممثل مسرحي ..
مواليد : 8 يونيو 2000
شارك في العديد من المسرحيات في مسابقات وزارة الشباب والرياضة منذ عام 2006 مما يزيد عن 15 عرض مسرحي
شارك في مسابقة الهويس مع الشاعر هشام الجخ عام 2011 وكان من الفائزين ومن مبدعي الحفل في الهوسابير
حاز علي المركز الثاني في مسابقة القراءة للجميع عام 2010
حاز علي العديد من شهادات التقدير والجوائز في المسرح وشعر العامية ..

النص
اصل الغنا مواويل
والضحكة من برا
يامسَهل التساهيل
سّهل كمان مرة !

سائل لاهل الارض
لم يجاوبوني
مهمل لاهل الارض
جابوا ف سيرتي وماخَلوا
انا ليه بعيش يوسف
واخواتي خانوني
ليه الحبايب
باعوا واتخلوا !!

هي الحبيبة البكر
وجه القمر صّباح
ادور ف حلقة ذكر
عشان تطيب الجراح
يادار قوليلها تحب
خلي القُليب .. نضّاح
كل الجمال اهو راح
انا ليه حبيبي ياناس
كسر القُليب
خلاه يتوه .. فـ براح !

زمن العتاب ( كداب )
والعشق دَوبني
خلي اللي ساب واتساب
امانة مايسيبني !

ربك كريم .. يا خّي
وارحم كتير منهم
فيه ناس كتير ف القلب
واحنا اللي ساكنينهم !!

شكوة العشاق مذّلة
والكون يساع
لحظة ده الاحساس تجلي
ع المشاع
ان الاوان يسمع جراحي
اللي باع ..

حبيت انا .. واتباعت
مخدوع انا .. وخّدعت
الكون يسير كما ( يخت )
100 الف لون
اعلنت انا وشَهدت
اني خسرتك مرة
واني كسبت .. الكون !

_________________
اعداد
محمد عبد القوى حسن
mobd3o.com@gmail.com

 

يشرفنا زيارتكم واعجابكم بصفحتنا على الفيس اضغط هنا للاعجاب بصفحة مبدعى مصر



أحدث المقالات