مبدعو مصر
فى سطور
أنا عبدالهادى الشعراوى
شاعر مصرى ومحلاوى
الهياتم يابا عنوانى
أرضى عرضى…حبى الغالى
من مواليد خمسة وستين
مسلم والله ورب الدين
متجوز ومعايا ولدين
وبنت وامى وام عيالى
ياما كرهت وياما حبيت
عمرى ما خفت اكتب بيت
وباحساس القلب بنيت
كل بيوت شعرى وازجالى
لما حلمت يكون لى ديوان
قلمى ناديته والالوان
يرسم غنوة الايام
كانت الاسم لديوانى
قامت الثورة الحرة فى مصر
يوم خمسة وعشرين العصر
شفت ساعتها راية النصر
غنى قلمى وقام من تانى
فوق اوراقى كتب ديوان
اسمه ياناس
قصة ميدان
سمع والله فى كل مكان
فى الساحة بقى لى عنوانى
امسيات ويا ندوات
كنت بسافر ليها وبات
احكى القصة بالابيات
ويا ابن بطوش وفضالى
انا فلاح من طمى النيل
اسمى ولونى والله دليل
كل حروف الشعر تميل
لما الفكرة تحلالى
……………………
القروى الساخر
عبد الهادى الشعراوى
………………..
اعداد
محمد عبد القوى حسن
mobd3o.com@gmail.com
يشرفنا زيارتكم واعجابكم بصفحتنا على الفيس اضغط هنا للاعجاب بصفحة مبدعو مصر