مبدعو مصر
كنت قلت انك مسافر
اخد السكه واعافر
واقطع المشاوير واجاسر
ياحنين السكه
ياشوق الاماسى
غربتين ف الصحره
لسه لون النخل باقى
والامانى
طالعه ع الكرناف تداعب ف الشواشى
افرد الجراحات لشاشى
واكتب المواويل لناسى
ياهوى الطيبه
ومنديلين الذوق
على قورة الغريب
هونى ياسكتى
غربتين الروح
يمام الدوح
كشكولين الوقت
مايعدوش لتناهيدك عفيه
اكتبك على باب سماتى
وارسمك عنبى البناتى
واندهك فى لحظه تاتى
ياسنينى دوخينى
اسرعي بى ووصلينى
احضن الامل اللى باقى
من تناسيمى فى واحاتى
اصحى بدرى
القى كل الارض بارت
شققت صبحت شراقى