مبدعو مصر
سيد درويش
بكره التاريخ ينكتب
ويقوم الى انداس
واللى اتصرف يتحسب
وحاتدفع الانجاس
،،،
ياصحبى مدد براحتك
ع الخضار بشويش
وارميلى برقع صراحتك
تلبسه الدراويش
القاهره
بتشد كوم الدكه م الانفوشى
طلع اللسان
فى اديهه يغزل فى البنات
غيط العنب
والملاحات
معموره يابطن السكات
والبرد داخل ع البيوت بثبات
مادد دراعه لحد اخر شط
راشق ضوافره فى البدن والروح
لحن الحنان بيطبب المجروح
والبنت راخيه الجفن
بيشه ومشربيه
صوت النشيد
بيطفش الحراميه
البنت نزلت عالدرج بشويش
شافت شاويش
بيفك صوره سعد من فوق الجدار
وطى النهار
لجل الديابه تمروتعلى الجفاف
البنت قد الحلم لحظه الانخطاف
الواد بيفرد فى اللحاف
البزر بقع فى الستان
مين الى خان
قلع المراكبى. ولا تنطيط الزمان
الحاره بتفرق سبوع
ع الترمايات
جابو الفتوه يرش ملح البيت فمات
طلعت بلادى ترطب الزغاليل
شب الولد ع الارض فارد عوده
عاجن طحين القمح زرع جدوده
شد الحزام على وسطه لجل يعدى
ياموجه هدى وفرحى المولود
العشره مش طيبه
العشره بنت قرود
البنت قشت كل عمر الواد فشاب
باع القلل وفتح لنا الكتاب
ودخلنا نرمح
من مقام لمقام
فيه الى حافظ اوى
والى وقع وماقام
وفتحنا باب من غرب خش الريح
الدود سرح فى القطن دبل عوده
صبح المقام للقرش يلعب جودو