مبدعو مصر
بروح الحب والأشواق
أنا بكتب بقلمي حروف
بعبر بيها للعشاق
وبسرح بالخيال وبطوف
وبسمع همسة المشتاق
وأحس بأي رعشة خوف
وعندي الحس في عز الهمس
أشوف الشمس
لو حتى في وقت كسوف …
بروح الحب
خلاص أنا ح أهجرك يافراق
وهتحداك في أي ظروف
ح أكسر حاجز الأشواك
وهمسح دمعتي وهتشوف
ما أنا شاعر من الشعراء
ونبضي في الهوى معروف
بدعوة قرب ونظرة حب
نشوف الضوء
ولو كان القمر في خسوف
. ..بروح الحب
بروح الحب هنغني
هنجمع م الآحبة آلوف
وإيد مسلم في إيد قبطي
هتبقى إيدينا زي سيوف
على الأرهاب على الأعداء
على الفتنة في أي صفوف
وبينا سلام وشوق وغرام
وأي خصام يسود بينا
ح يبقى بذوق. ..
بروح الحب
طارق شامخ عبد الجواد