جايين بكرة يافلسطين / شعر : يحى محمد على

 


جايين بكره يافـلسـطيــن
نهدى البسمة لكل حزين
جايين بكره نقيد أنوارك
ف القدس وغزة وجنين
جايين بكره يا فلسطين
يااللى أطـفالـك بـحـجارة
صنعولك بطولات جبارة
وكانت صيحتهم كالغارة
شافها العالم يا فـلسطـيـن
جايين بكره يا فلسطين
أطـفـالــك بـحــجــارة تـنـادى
تحيا أرضى تحيا بلادى
وعشتى يا قدس يارمز بلادى
وعشتى ليـنا يافـلسطـيـن
جايين بكره يا فلسطين
وشهدائك …..
شــهـدائـك أبـدا مـمـاتــوش
شهدائك مش لون ورتوش
دول أرواح وأجساد ووشوش
عـاشـوا فداكى يافـلسطيـن
جايين بكره يا فلسطين
ودمهم المرشوش الغالى
صبح وليل بينادى ياخالى
يالا تعالوا خدولى بتارى
وحرروا لولادى فلسطين
جايين بكره يا فلسطين
قولنا حناجى بعون المولى
وهنصلى فى المسجد الاقصى
وبكره ياقدس هتبقى عروسة
وهنشيلك ف رموش العين
جايين بكرة يا فلسطين
وح نـبـحــر … وح نــقــبــل
وح نـشـرق … وح نـغـرب
ح نبحر على أرض العدرا
ح نـقـبـل الأرض الطاهـرة
ح نشرق شمـسك من بكرة
وح نغرب شمس الملاعين
جايين بكره يا فلسطين
جايين ليكى نعـلّى راياتـك
ونعوضـلـك يـوم كان فاتـك
ونـرجـع ليكى إبتساماتـك
إدعـوا مـعايـا يـارب أمـيــن
جايين بكرة يا فلسطين
جايين بكرة يا فلسطين
***************
الأبنودى الصغير
يحيى محمد على
***************

اترك تعليقاً