مبدعو مصر
موجوع*
……….
موجوع والوحدة دموع
بتسرسب من عمرك
والصحبه شموع
وطافيهاالريح مجاريح ..
بتواسوا ف بعض، وفرض عليك ..
يرحل كل رفاقتك من حواليك!
وعنيك بتسح ف دم وهم يزيد ويفيض..
هم مايتلم متلتم حظك بوشاح أسود
وحزين صابر لكن ناسك مش صابرين
والعمربيجرى ويرمح منك
وإكمنك مُبصر وسط العميان
تلاقيك غلبان،
مش عارف توصف معنى الشوف!
ساعة بياجيك الخوف..ماتخافش!
وإزاى.. عايش للأن إنسان،
والكل وحوش! ماتحوش
الوش الطيب وإلبسلك وش من المغشوش
علشان الناس.. بتحب الغش!
الناس ..بتحب تعٙيْب وتغيب كل الطيب
خليك مجنون وسط العاقلين
وعبيط وحويط وسط التعابين
هاتعيش وياهم جوه الجحر
ولاحدش منهم يقدر يئذيك!
……….
وهاتجرى وترمح ياولِيدِى
.. ورا سراب كداب!
والدنيا تشيلك وتحطك
، وتُسك الباب! الموت عا يرٙمِح ورا منك،
والعمرحساب مكتوب ومسطر على كفك
فُرقِة لأحباب منقوش على وشك
وجبينك: ضِمن الأغراب
وزن الحُزن بينحت ف ملامحك ،
وأدى شعرك شاب!
طب قولى إزاى: لساك عايش..
ما طاواكش غياب؟
طب قولى إزاى:لساك متهاب؟
…..
الشاعرسيدفاروق أحمد
رئيس نادى أدب ديروط
يشرفنا زيارتكم لمجلة مبدعو مصر على الفيس بوك اضغط هنا