مبدعو مصر
قصيده من ٢١عام مضت الي كل من لا يعرفنا عندما كنا شعراء نؤمن بقضيتنا؟؟؟؟
ولازال التاريخ يعيد نفسه !!!!@#الجميع
القصيده
بسم الله رب المساجد والمعابد والكنايس
اذكريني ياامه يوم ماتفتح المدارس
واوعي ياامه تبكي داانامت فارس
كانوافرقه بالبنادق
مفيش مبادئ
فتحوانارهم عل العيال
يرضيك ياامه اجري زي العيال
وقفت احارب
بس لوحدي ياامه بالتجارب
ف بلدنا مفيش رجال
زغرطيلي ياامه وانتي داخله عل الفصول
ووزعيلي صدقه صافيه بالحلال
واخطبي وسط الطابور
فهمي عيالنا تقوم تثور
اوعي ياامي تحبطيهم بالدموع
اوعي ياامي تعلميهم الخضوع
علميهم انه مفيش محال
وفكريهم ياامه بيوم العبور
يوم ماعدينا القنال
ومعلهش ياامه تبقي توصلي لخطيبتي
تفهميها اوعي روخره تبكي
وابقي جوزيها للريس (جمال )
وكفايه عياط يا امي او آهات
وان ما كنش ابقي جوزيها( شاذلي )او(لجمصي )
او جوزيها( حسني )
او للسادات
هم الرجال
هم اللي عانوا لحدما عدوا الحدود
هم اللي ضربوا اليهود هم النضال
زي الرجال دي امه ماتلقيش
ابطال بحق ماتتنسيش
وان كنت مت ياامي ما تزعليش
دا فيه يجي الف طفل جنبي ميتين
هنا ياامي مابيدفنوش
اصل الضحايا في الشوارع مدفونين
او دي الشوارع في الضحايا مدفونين
وان كنت عايزه تيجي للزياره ماتقطعيش
هاتلاقيني في اي حاره في رامالله او جنين
والوقت انا عايز اقولك الحكايا قبل ما تيجي غاره
اويدهمنا الكمين
انا كنت ماشي في سوق بقاله في رامالله
لقيت الناس اذله
في الزوايا متكدرين
وكلاب حراسه م اليهود
يجوا عشره يجوا ميه ييجوا الف بوش
فتحوا نارهم ع الصبابا اللي طالعين للدراسه
ومايعرفوش
ان طابورهم دا النهايه
ماتوا ياامه وكنهم متخدرين
انا عرفت هم ليه بيقتلوا العيال
؟؟؟؟؟؟؟؟؟؟؟؟؟؟؟؟؟؟؟؟؟؟
اكيد عشان مايكبروش!!!!!!
يرضيك ياامه اجري زي العيال ؟
ولااصد احوش؟؟
رحت خاطف بندقيه
صوبت يجي ميه
وقتلت عشره بقلوب عفيه
واقفين بياكلوا اي طفل طالع زي الوحوش
مابيرحموش
في الظيطه ياامه جاتني طلقه في اليمين
رحت ساحف لحد شجره وكنها شجرة زتون
حضنتني وكنها انتي كلمتني
ياللا يا ابني قوم
اكتب رساله لامك اوعي ياامه تبكي دا الدموع تهون
عل اللي شفته في رامالله
عيال أجنه شعرها شايب وبدقون
وبنات رجال صبايا ممدينهم عل البطون
عيال رجال كبار مهددينهم يا تعيش مهزء يا تموت مهان
طبعا ياامي مايرضكيش اكون جبان؟
انت ست امنه ما تعيطيش
وكفايه كل حاجه عمالها تبكي ع الدوام
وابقي روحي للامام
خليه يقرأ عليا سورة ياسين
انت ست امنه ما تعبطيش
وكفايا ان احنا عايشين زي النعام
هنا في القدس ياامه حرب مفيش كلام
بيحاربوا عنا في الامام
شايلين كفنهم كل فجر مع الحمام
مش عايزين غير دعاكي والسلام
وآخر كلامي ياامه
لااله الا الله رب التين والزتون والسلام
تحياتي حسين عبدالعزيز الشاروني