مبدعو مصر
خبر عاجل
للشاعر
محمد عبد الفضيل
خبر عاجل
وع الشاشة
مدافع .. نار .. وقصف جديد
يا أمة عايشة في وحاشة
شبعتو فرجة .. ولا نزيد
ومش هنعيد
ولا هنزيد
ولا نطلب معونة حد
يا أمة فارة وقت الجد
بتتجمع علي رقصة
علي خيبة .. علي وكسة
علي بطولة كرة تهتف
ولما دمنا ينزف
تنزل دمعتين ع الخد
ولما تشوفنا ع الشاشة
بتجري تهر في التواليت
شبعتو فرجة ولا نزيد
ومش تهديد
ولا إستعطاف
يا أمة نسيت الإنصاف
بتتهدم فوقينا بيوت
بنتقطع إلي أشلاء
يا أمة فقدت الأخلاق
وفتحت للمجون حوانيت
شبعتو فرجة ولا نزيد
في ألف شهيد
بيتعطر بريحة مسك
يا أمة عايشة فسق × فسق
بتتسحر بكاس الوسك
وتفطر علي دعاء الشيطان ف الديسك
خسارة فيكو يوم العيد
شبعتو فرجة ولا نزيد